Joab 37:1-24
37 “Soh now mi haat di beet faas,An ih feel laik ih di goh lef mi.
2 Lisn gud tu Gaad powaful vais,Ahn lisn tu ih vais weh song laik tonda.
3 Hihn mek di tonda klap eena di skai,An ih mek laitnin schraik aal oava di ert.
4 Afta dat hihn mek peepl hyaa wahn lowd naiz.Gaad powaful vais song laik tonda,Ahn hihn noh stap laitnin fahn schraik wail ih di taak.
5 Gaad vais amayzin an ih song laik tonda wen ih taak.Hihn du wahn lata wandaful tingz weh nobadi ku andastan.
6 Hihn tel di snoa fi kohn dong pahn di ert,
An ih tel di rayn fi poar dong haad.
7 Gaad stap peepl fahn du tingzSoh dat dehn ku geh fi noa bowt aala di tingz weh ih du.
8 Di wail animal dehn goh wehpaat dehn liv,Ahn dehn stay rait deh.
9 Wahn staam kom ahn lata breez staat tu bloa,Ahn di breez weh bloa fahn di naat bring di koal weda.
10 Wen Gaad breed, waata ton intu ais,An ih mek di ayrya dehn weh ga lata waata freez.
11 Hihn mek di klowd dehn geh hevi wid waata,An ih mek ih laitnin skyata bowt monks di klowd dehn.
12 Dehn spin rong eniway wehpaat hihn tel dehn fi goh.Ahn dehn du evriting weh ih tel dehn fi du oava di hoal ert.*
13 Hihn yooz di klowd dehn fi ponish peepl,Fi mek ih rayn pahn di lan, ahn fi shoa dat ih ga lata lov.*
14 Joab, lisn tu weh Ah wahn tel yu;Stap ahn tink gud bowt aala di wandaful tingz weh Gaad don mek.
15 Yoo noa how Gaad kanchroal di klowd dehn?*Ahn yoo noa how ih mek di laitnin lait op chroo di klowd dehn?
16 Yoo noa how di klowd dehn float eena di skai?
Gaad noa evriting, ahn da hihn mek dehndeh wandaful tingz.
17 Yoo andastan wai di breez weh bloa fahn di sowtMek di ert geh kwaiyet ahn wai ih mek yu kloaz geh hat?
18 Yoo tink yu ku schrech owt di skai laik Gaad,Ahn mek it schrang laik metal?
19 Tel wi weh wi shuda tel ahn;Wi kyaahn ansa bikaaz dehn ga lata tingz weh wi noh andastan.
20 Yu tink enibadi shuda tel ahn dat Ah waahn taak?
Er yu tink sohnbadi seh sohnting weh soh impoatant dat hihn need fi hyaa bowt it?
21 Eevn doa di son shain brait eena di skai,Dehn kyaahn see’t bikaaz di klowd dehn haid it.Dehn onli ku see’t til afta wahn breez paas bai ahn moov di klowd dehn.
22 Lait weh kohn fahn di naat shain laik goal,Ahn Gaad gloari amayzin.
23 Wi kuda neva andastan evriting bowt di Almaiti.Hihn ga lata powa, ahn hihn aalwayz fyaa,An ih aalwayz du weh rait.
24 Soh peepl fi ga lata rispek fi Gaad
Bikaaz hihn noh pleez wid peepl weh tink dat dehn waiz.”*
Futnoat
^ Er “di ert weh lata food groa pan.”
^ Er “shoa laayal lov.” Si di Glasari, “Laayal lov.”
^ Er “Yoo noa weh Gaad koman di klowd dehn fi du.”
^ Lit., “weh ga wahn waiz haat.”
