Joab 38:1-41
38 Den Jehoava staat taak tu Joab fahn owta wahn schrang schrang breez, an ih seh:
2 “Yoo tink yu fi kweschan mi disizhan dehnAhn taak bowt weh yu noh noa?
3 Pleez geh redi, bikaaz Ah wahn kweschan yu.Ak laik wahn man an ansa mi.
4 Wehpaat yu mi deh wen Ah mi put dong di fongdayshan a di ert?
Tel mi if yu andastan how dat mi hapm.
5 Hoo mi disaid how big di ert fi bee? Tel mi if yu noa.Er hoo mi yooz wahn lain fi mezha it?
6 Weh dehn sink di fongdayshan a di ert eena?Er hoo put dong ih kaanastoan?
7 Weh yu mi deh wen di staar dehn weh apyaa da maanin hala owt tugeda bikaaz dehn mi hapi?Ahn weh yu mi deh wen aala di aynjel dehn* staat tu showt owt prayz?
8 Ahn hoo blak aaf di see?Ahn hoo set wahn limit fi di see wen ih fers kohn fi egzis?*
9 Weh yoo mi deh wen Ah jres op di see wid sohn klowd ahn rap it op eena daaknis,
10 Ahn wen Ah set wahn limit far it ahn put di gayt ahn doa dehn far it?
11 Ahn weh yoo mi deh wen Ah tel di see, ‘Da op tu ya yu ku goh; yu kyaahn goh ferda dan dat.
Da rait ya yu big wayv dehn fi stap’?
12 Yoo eva tel di maanin wen fi kohnEr mek di son noa wehpaat ih fi kom op?
13 Yoo eva tel di maanin lait fi goh da evri kaana a di ertAhn chays weh wikid peepl fahn deh?
14 Da lait chaynj di way di ert luk jos laik how wahn seel chaynj di way wahn pees a klay luk.An evriting pahn di ert stan owt jos laik kloaz weh ga sohn dizain pan it.
15 Bot wikid peepl noh geh no lait,Ahn dehn kyaahn hert peepl nohmoh.
16 Yu eva gaahn dong da di waata spring dehn weh deh da di batam a di see?Er yu eva gaahn dong eena di deep oashan fi laan bowt it?
17 Yu eva si di gayt dehn da di plays wehpaat ded peepl deh?Er yu eva si di gayt dehn da di plays wehpaat ih daak daak?
18 Yoo andastan how big di ert big?
Tel mi if yu noa bowt aala dehndeh tingz.
19 Wehpaat lait liv ahn wehpaat daaknis liv?
20 Yoo ku kehr dehn da di plays wehpaat dehn liv?Ahn yoo noa how fi reech da dehn hows?
21 Yoo noa bowt aala dehndeh tingz bikaaz yoo mi don baan wen Ah mek evriting
Ahn yoo mi don liv fi lata yaaz,* noh chroo?
22 Yoo eva gaan eena di stoarhows dehn weh gat een snoa?Er yu eva si di stoarhows dehn weh gat een haylstoan?
23 Ah set dehndeh tingz wan said fi yooz wen chrobl kohn,Fi di day a waar.
24 Fahn wich dairekshan lait* spred owt?Ahn fahn weh di breez fahn di ees weh di bloa pahn di ert kohn fram?
25 Hoo oapm wahn way owt fi di lata waata weh deh eena di skai?Ahn hoo tel di tondastaam wich way fi goh?
26 Hoo mek ih rayn wehpaat nobadi liv,Eena di wildanes* wehpaat no hyoomanz deh?
27 Hoo wet op di jrai grong eena di wildanes weh geh dischraiAhn mek graas groa deh?
28 Yoo tink di rayn ga wahn pa,Er hoo da di joo jrap dehn pa?
29 Hoo da di ais ma,Ahn hoo mek di snoa weh kohn fahn hevn?
30 Da hoo kova di waata laik if ih di kova it wid wahn stoan?Ahn hoo mek di tap a di deep waata ton intu ais?
31 Yoo ku tai op di roap dehn weh hoal tugeda di groop a staarz weh naym Kaima?*
Er yoo ku loos di roap dehn weh hoal tugeda di groop a staarz weh naym Keesil?*
32 Yu tink yu ku mek wahn groop a staarz* apyaa da di rait taim?Er yu tink yu ku gaid di groop a staarz weh naym Ash?*
33 Yoo noa di laa dehn weh rool hevn?Er yoo ku yooz dehndeh* laa fi rool di ert?
34 Yoo ku koman di klowd dehnSoh dat wahn hevi rayn kohn dong pahn yu?
35 Yoo ku shoot laitnin?
Yu tink dehn wahn kohn ahn tel yu, ‘Si wi ya!’
36 Hoo gi di klowd dehn* wizdom?Er hoo mek di wandaful tingz weh hapm eena di skai* ga andastandin?
37 Hoo soh waiz fi konk di klowd dehn?Er hoo ku poar owt di waata fahn di jaar dehn da hevn?
38 Hoo mek dos ton intu mod?Ahn hoo mek dert stik tugeda?
39 Yoo ku hont food fi wahn laiyan?Er yoo ku gi di yong laiyan dehn inof food fi mek dehn feel ful?
40 Yoo ku feed dehn wen dehn di lidong eena dehn kayvEr wen dehn di laywayt wahn animal?
41 Hoo gi di rayven food fi mek ih feed ih yong wanzWeh di wanda bowt bikaaz dehn noh ga notn fi eetAhn weh di krai tu Gaad fi help?
Futnoat
^ Lit., “Gaad son dehn.”
^ Er “wen ih kom owta di woom.”
^ Lit., “dayz.”
^ Dis ku aalso bee “laitnin.”
^ Si di Glasari, “Wildanes.”
^ Ih pasabl dat dis da sohn staarz weh naym Pleeyadees weh deh eena wahn groop a staarz weh naym Taaros.
^ Ih pasabl dat dis da di groop a staarz weh naym Oraiyon.
^ Lit., “Mazarot.” Da 2 Kingz 23:5, dis werd eena di plooral faam di rifaa tu di groop a staarz weh mek op di zoadiyak.
^ Ih pasabl dat dis da di groop a staarz weh naym di Grayt Byaa er Ursa Major.
^ Dis ku aalso bee “fi hihn.”
^ Dis ku aalso bee “peepl.”
^ Dis ku aalso bee “di main.”
