Joab 4:1-21
4 Den Elifaz, di Teemanait man, seh:
2 “If sohnbadi chrai taak tu yu, yoo wahn geh taiyad a lisn tu dehn?
Nobadi ku stap dehnself fahn taak.
3 Da chroo dat yu mi teech lata peepl,Ahn yu mi schrentn dehn wan weh week.
4 Yu werdz mi help sombadi fi get op wen dehn mi-di stombl.Ahn yu mi schrentn dehn wan weh mi kyaahn stan op bai dehnself.
5 Bot now dehndeh tingz di hapm tu yoo, ahn yu kyaahn tek it.*Now da fi yoo tern, ahn yu feel diskorij.
6 How yoo ku seh dat yu ga lata rispek fi Gaad bot yu noh chros ahn?
How yoo ku seh dat yu stay faytful tu Gaad bot yu noh ga no hoap?
7 Pleez memba dis: Wahn inosent persn eva geh dischrai?
Yu eva hyaa dat wahn raichos persn geh dischrai?
8 Ah si dat dehn wan weh plaant* bad tingzAhn dehn wan weh soa chrobl wahn reep dehndeh saym tingz.
9 Gaad jos breed owt ahn dehn ded.Hihn bloa ih anga ahn dehn disapyaa.
10 Di laiyan roar ahn wahn baybi laiyan growl,Bot eevn di teet fahn wahn schrang laiyan geh brok op.
11 Wahn laiyan ded bikaaz ih noh ga no animal fi kil an eet,Ahn sayka dat, di baybi laiyan dehn skyata aal bowt di plays.
12 Sombadi kohn taak tu mi eena seekrit,Ahn dehn wispa eena mi ayz.
13 Da nait wen Ah mi-di sleep haad,Ah mi ga sohn vizhan weh mek Ah wori.
14 Sayka dat, Ah mi-di chrimbl bad,Ah mi frayd soh bad dat Ah mi feel it eena mi boanz.
15 Wahn spirit mi paas fronta mi fays;An Ah kech koal seed.
16 Den ih mi stan op da wan spat,Bot Ah neva noa da wat.
Sohnting mi deh fronta mi aiy;Evriting mi kwaiyet, ahn den Ah hyaa wahn vais seh:
17 ‘Yu tink wahn hyooman ku bee moa raichos dan Gaad?
Yu tink wahn hyooman moa raichos dan di wan weh mek ahn?’
18 Hihn nat eevn chros ih servant dehn,Ahn hihn fain faalt wid ih aynjel dehn.*
19 Soh ih wers fi dehn wan weh ga wahn badi* weh mek owta klay.Dehn da notn bot dos,*Ahn dehn eezi fi mash jos laik wahn insek.*
20 Dehn alaiv eena di maanin ahn bai eevnin dehn ded.Wans dehn ded, dehn gaahn fareva, ahn nobadi kay dat dehn ded.
21 Dehn da laik wahn tent weh jrap dong wen sombadi loos di roap.
Dehn ded widowt ga eni wizdom.
Futnoat
^ Lit., “yu geh taiyad.”
^ Er “plan.”
^ Er “mesinja dehn.”
^ Lit., “dehn wan weh liv eena hows.”
^ Er “Dehn ga wahn fongdayshan eena di dos.”
^ Lit., “maat.” Dis kaina insek luk laik wahn botaflai.
