Joab 41:1-34
-
Gaad taak bowt how amayzin di krakadail (1-34)
41 “Yu tink yu ku kech wahn krakadail* wid wahn fishin hukEr hoal dong ih tong wid wahn roap?
2 Yu tink yu ku put wahn roap* chroo ih noazEr boar ih jaa dehn wid wahn huk?*
3 Yu tink ih wahn beg yu fi mersiEr taak tu yu eena wahn kain way?
4 Yu tink ih wahn mek wahn kovenant* wid yuSoh dat ih ku bee yu slayv aal ih laif?
5 Yu tink yu ku play wid ahn jos laik how yu play wid wahn berd?Er yu tink yu ku tai ahn op fi mek yu daata dehn play wid ahn?
6 Yu tink di fishaman dehn wahn sel it
Er kot it op ahn divaid it monks di bizniz man dehn?
7 Yu tink yu ku boar ih skin wid lata spyaaEr boar ih hed wid sohn spyaa weh peepl yooz fi goh fishin?
8 Jos toch it wan taim ahn yu wahn neva du it agen,Bikaaz yu wahn memba wen ih atak yu.
9 Da loan ways a taim fi chrai kanchroal it.
Eevn if yu jos luk pan it, yu wahn geh fraitn.
10 Nobadi dayr fi get ahn beks.
Soh den hoo ku stan op gens mi?
11 Enibadi don gi mi sohnting fers dat Ah haftu pay dehn bak?
Evriting weh deh anda hevn da fi mee.
12 Ah noh wahn stap taak bowt ih leg dehn, bowt ih schrent,Ahn bowt how Ah mek ih badi eena wahn wandaful way.
13 Enibadi ku tek aaf ih tik skin?
Enibadi wuda goh kloas tu ih mowt?
14 Hoo ku foas ahn fi oapm ih mowt?
Aala ih teet fraitnin.
15 Di skayl dehn pan ih bak lain op eena sohn roa,Ahn dehn deh kloas tu eech ada.
16 Dehn deh soh kloas tu eech ada dat no breez ku paas chroo dehn.
17 Dehn stik tu eech ada;Dehn hoal aan tu eech ada, ahn notn ku separayt dehn.
18 Wen ih sneez, di waata weh kom owt fahn ih noaz shain laik wahn lait.An ih aiy dehn shain brait, jos laik di son wen ih kom op da maanin.
19 Laitnin kom owta ih mowt;Da laik if spaaks fahn wahn faiya kom owta it.
20 Smoak kom owta ih noaz,Jos laik smoak weh kom owta wahn big faiya.
21 Wen ih breed, ih mek di chaakoal dehn kech faiya,Ahn faiya kom owta ih mowt.
22 Ih nek ga lata schrent,An evribadi weh meet ahn geh fraitn bad.
23 Di skin pahn ih beli stif,Ahn da laik wahn pees a metal weh nobadi ku moov.
24 Ih haat haad laik wahn stoan.Yes, ih haad laik wahn milstoan.*
25 Wen ih get op, eevn di maiti man dehn geh frayd.Wen ih di goh aan wail ahn lash op ih tayl eena di waata, ih mek adaz geh fraitn.
26 Wahn soad kyaahn atak ahn an kil ahn;Nat eevn wahn spyaa, wahn aro, er eni ada kaina wepan ku kil ahn.
27 Aiyan da laik jrai graas tu ahn,Ahn kapa da laik ratn wud tu ahn.
28 Wahn aro noh mek ih ron weh,Ahn di stoan dehn weh dehn yooz eena wahn sling shat da jos laik jrai graas tu ahn.
29 Wahn big stik da jos laik jrai graas tu ahn,An ih laaf aata di naiz weh wahn spyaa mek.
30 Ih beli shaap laik sohn pees a klay pat weh brok op.Ih spred ihself eena di mod jos laik wahn big pees a boad.*
31 Wen ih goh eena di see, di waata bobl op,Jos laik wahn pat weh gat een ail weh di bail.
32 Wen ih swim, di waata bihain ahn bobl op.
Ahn dat wuda mek sombadi tink dat di waata ga wait hyaa.
33 Dehn noh ga notn els laik di krakadail pahn di ert.Gaad mek ahn soh ih noh frayd fi notn.
34 Di krakadail da king oava aala di powaful wail animal dehn.
Ih wach di prowd animal dehn rait eena dehn fays, an ih noh frayd ataal.”
Futnoat
^ Eena Heebroo dis werd da Levaiyatan.
^ Dis di rifaa tu wahn roap weh mek owta jrai graas.
^ Lit., “prikl.”
^ Si di Glasari, “Kovenant.”
^ Si di Glasari, “Milstoan.”
^ Dis di rifaa tu wahn pees a boad weh dehn yoostu jreg oava difrent plaants fi tek owt grayn. Si di Glasari, “Beet owt grayn.”
