Joab 6:1-30
6 Den dis da weh Joab seh:
2 “If onli Ah kuda way mi paynAhn put it pahn wahn skayl lang wid aala di bad tingz weh hapm tu mi!
3 Ahn now mi payn heviya dan di san weh deh eena di see.
Dat da wai Ah taak loan krayzinis.*
4 Ah feel laik di Almaiti shoot mi wid wahn aro weh ga paizn pan it,Ahn mi spirit di jrink di paizn fahn da aro.Gaad di atak mi an Ah frayd bad.
5 Yu tink wahn wail dongki wahn krai owt wen ih ga graas?Er yu tink wahn bul wahn mek naiz wen ih ga food?
6 Yu tink yu ku eet food weh noh ga no tays ahn noh ad saalt tu it?Er enibadi wuda laik tays di joos fahn wahn plaant* weh noh ga no flayva?
7 Ah* noh waahn toch non a dehndeh tingz.
Da laik if dehndeh tingz spail mi food.
8 If Ah kuda onli geh weh Ah aks faAhn dat Gaad wuda gi mi weh Ah waahnt!
9 If onli Gaad wuda bee wilin fi mash miAhn kil mi wid ih oan han.
10 Eevn dat wuda komfert mi.Ah wuda jomp op wid wahn lata hapinis eevn doa Ah ga soh moch payn,Bikaaz Ai noh rijek weh di Hoali Wan seh.
11 Ah noh noa if Ah ga di schrent fi kantinyu wayt.
Dehn ga eni hoap fi mi soh dat Ah shuda stay alaiv?*
12 Ai mek owta stoan?
Er mai badi* mek owta kapa?
13 Dehn ga eni way Ah ku help miselfSins nobadi dehdeh fi help mi?
14 Enibadi weh noh shoa lata lov* tu wahn nada persnNoh ga no rispek fi di Almaiti.
15 Ah kyaahn pen pahn mi oan fren dehn.Dehn da laik wahn riva weh faam fahn di snoa weh melt ahn weh fainali jrai op.
16 Di riva dehn geh modi bikaaz a di ais ahn snoa weh di melt eena dehn.
17 Ahn wen di weda geh hat, dehn lef widowt waata ahn dehn disapyaa;Ahn di heet fahn di weda mek dehn jrai op.
18 Di riva dehn floa eena wahn difrent dairekshan;Dehn floa rait intu di dezert ahn dehn disapyaa.
19 Di peepl fahn Teema weh di chravl luk fi dehn;Di peepl fahn Sheeba* weh di chravl wayt fi dehn.
20 Dehn shaym bikaaz dehn noh fain waata;Dehn goh deh onli fi geh disapointid.
21 Unu da jos laik dehndeh riva;Unu si di bad tingz weh Ai di goh chroo, an unu geh fraitn.
22 Ai eva aks unu fi gi mi eniting?
Er Ai eva aks unu fi gi sombadi wahn gif fahn unu richiz fi mee?
23 Ai eva aks unu fi sayv mi fahn wahn enimiEr fi sayv mi fahn peepl weh mek Ah sofa?
24 Teech mi an Ah wahn bee kwaiyet.Help mi andastan mi mistayk.
25 Di chroot noh hert.
Bot Ah kyaahn benifit fahn di karekshan weh unu gi mi.
26 Unu di plan fi karek di tingz weh Ah seh?Ah noh ga no hoap, ahn di breez bloa weh di werdz weh Ah seh.
27 Unu wuda chroa lats* oava wahn pikni weh noh ga no ma ner pa,An unu wuda sel unu oan fren.
28 Soh now ton ahn luk pahn mi,Bikaaz Ah noh wahn lai tu unu.
29 Pleez chaynj unu main. Noh joj mi eena di rang way.Yes, tink bowt it agen, bikaaz Ah stil raichos.
30 Unu tink Ah di lai?
Unu noh tink Ah ku sens dat sohnting rang?
Futnoat
^ Er “Ah seh foolish tingz.”
^ Di joos fahn dis plaant mi slaimi an ih neva ga no tays.
^ Er “Mi soal.” Si di Glasari, “Soal.”
^ Er “soh dat Ah chrai liv langa?”
^ Lit., “flesh.”
^ Er “shoa laayal lov.” Si di Glasari, “Laayal lov.”
^ Er “Di groop a Sabeeyanz.”
^ Si di Glasari, “Lats.”
