Joab 8:1-22
8 Den Bildad, di Shoohait man, seh:
2 “How lang yu wahn kantinyu di taak laik dis?
Di werdz weh di kom owta yu mowt da jos wahn schrang breez!
3 Yu tink Gaad noh wahn bee fyaa?Er yu di tink di Almaiti noh wahn du weh rait?
4 Yu pikni dehn praabli mi sin gens Gaad,Soh hihn mi ponish dehn sayka weh dehn ribel.
5 Bot if yu wuda jos luk tu GaadAhn beg di Almaiti fi ga mersi pahn yu,
6 An if yu mi reeli hoali an aalwayz du weh rait,Hihn wuda pay atenshan tu yuAhn put yu eena di saym sichuwayshan laik bifoa.
7 Eevn doa yu deh eena wahn bad sichuwayshan rait now,Yu fyoocha wahn bee grayt.
8 Pleez egzamin di hischri a wi ansesta dehn,Ahn pay atenshan tu di tingz weh fi dehn ansestaz mi fain owt,
9 Bikaaz wi baan yestudeh, ahn wi noh noa notn,Ahn wi dayz pahn ert da laik wahn shado.
10 Soh yu noh tink dehn wahn teech yuAhn tel yu weh dehn noa?*
11 Yu tink wahn papairos plaant ku groa taal if ih noh deh eena wahn swamp?
Yu tink wahn reed* ku groa taal if ih noh deh eena waata?
12 Eevn if dehndeh plaant stil di blaasam ahn nobadi brok dehn aaf yet,
Dehn wahn jrai op bifoa eni ada plaant.
13 Dat da weh wahn hapm tu enibadi weh ferget Gaad,Bikaaz eniting weh wikid peepl* hoap fa noh wahn kohn chroo.
14 Dehn put dehn chros eena tingz weh noh wahn laas.Ahn di tingz weh dehn chros eena da laik wahn spaida web* weh eezi fi bos.
15 Dehn wahn leen op gens dehn hows, bot dehn hows wahn jrap dong;Dehn wahn chrai hoal aan tu it, bot ih noh wahn stay op.
16 Dehn da laik wahn helti plaant weh di son shain pan,Ahn dehn branch dehn spred owt aal oava di gyaadn.
17 Dehn root dehn groa monks wahn pail a stoan,Ahn dehn luk fi wahn hows monks di stoan dehn.*
18 Wen dehn root dehn owt fahn di plays wehpaat dehn mi groa,Da plays wahn rijek dehn ahn tel dehn, ‘Ah noh noa unu.’
19 Yes, dat da how dehn wahn disapyaa.Den sohn ada plaant wahn kom owt fahn di dos ahn tek dehn plays.
20 Fi shoar Gaad noh wahn rijek peepl weh stay faytful tu ahn;*Ahn hihn noh wahn help wikid peepl eeda.*
21 Hihn wahn mek yu laaf,Ahn hihn wahn mek yu hala owt bikaaz yu hapi.
22 Enibadi weh hayt yu wahn geh shaym.Ahn wikid peepl noh wahn egzis nohmoh.”
Futnoat
^ Er “Ahn tel yu weh deh eena dehn haat.”
^ Si di Glasari, “Reed.”
^ Er “weh di apastayt dehn.” Si di Glasari, “Apastayt.”
^ Lit., “hows.”
^ Er “Ahn dehn luk fi wahn hows weh mek owta stoan.”
^ Er “weh aalwayz du weh rait.”
^ Er “noh wahn hoal wikid peepl han.”
