Nehimaiya 12:1-47
12 Dehnya da di prees ahn Leevait dehn weh gaahn da Jeroosalem lang wid Jeshwa ahn Sheyaltiyel son Zerobabel: Seraiya, Jerimaiya, Ezra,
2 Amaraiya, Malok, Hatosh,
3 Shekanaiya, Reehom, Meremot,
4 Ido, Ginetoi, Abaijah,
5 Mijamin, Maadaiya, Bilga,
6 Shimaiya, Joyarib, Jedaya,
7 Saloo, Aymok, Hilkaiya, ahn Jedaya. Dehnya da-mi di cheef oava di prees dehn ahn dehn breda dehn eena Jeshwa dayz.
8 Di Leevait dehn da-mi Jeshwa, Binuwai, Kadmiyel, Sherebaiya, Jooda, ahn Matanaiya, hoo mi tek di leed di sing prayz lang wid ih breda dehn.
9 Ahn fi dehn breda Bakbokaiya an Onai mi stan op kraas fahn dehn fi gyaad di templ.
10 Jeshwa mi ga wahn son an ih mi naym ahn Joyakim, Joyakim mi ga wahn son an ih mi naym ahn Elaiyashib, an Elaiyashib mi ga wahn son ahn naym ahn Joyada.
11 Ahn Joyada mi ga wahn son ahn naym ahn Janatan, ahn Janatan mi ga wahn son ahn naym ahn Jadwa.
12 Eena Joyakim dayz dehnya da-mi di prees hoo da-mi cheef oava dehn famili: fi Seraiya famili, da mi Meraiya; fi Jerimaiya famili, da mi Hananaiya;
13 fi Ezra famili, da mi Mesholam; fi Amaraiya famili, da mi Jehohaynan;
14 fi Malokai famili, da mi Janatan; fi Shebanaiya famili, da mi Joazef;
15 fi Hayrim famili, da mi Adna; fi Merayot famili, da mi Helkai;
16 fi Ido famili, da mi Zekaraiya; fi Gineton famili, da mi Mesholam;
17 fi Abaijah famili, da mi Zikrai; fi Minaiyamin famili, da mi . . . ;* fi Mowadaiya famili, da mi Piltai;
18 fi Bilga famili, da mi Shamoowa; fi Shimaiyad famili, da mi Jehonatan;
19 fi Joyarib famili, da mi Mateenai; fi Jedaya famili, da mi Ozai;
20 fi Salayai famili, da mi Kalai; fi Aymok famili, da mi Eeber;
21 fi Hilkaiya famili, da mi Hashabaiya; fi Jedaya famili, da mi Netanel.
22 Dehn mi rait dong hoo da cheef oava di Leevait ahn prees dehn famili joorin di dayz a Elaiyashib, Joyada, Johaynan, ahn Jadwa. Dat da-mi di taim wen Daraiyos mi-di rool az king a Perzha.
23 Di naym a di Leevait dehn hoo da-mi cheef oava dehn famili geh rait dong eena wahn buk weh mi gat een di hischri fahn joorin da taim op tu Elaiyashib son Johaynan dayz.
24 Di cheef dehn oava di Leevait famili dehn da-mi Hashabaiya, Sherebaiya, ahn Kadmiyel son Jeshwa. Ahn dehn breda dehn weh da gyaad mi-di stan op kraas fahn dehn, groop bai groop, fi giv prayz ahn tanks laik how Dayvid, hoo da-mi wahn servant a di chroo Gaad, mi seh fi du.
25 Matanaiya, Bakbokaiya, Obadaiya, Mesholam, Talmon, an Akob da-mi som a di man dehn weh gyaad di gayt dehn, ahn dehn mi-di gyaad di stoaroom dehn bai di gayt dehn.
26 Dehn mi-di serv eena di taim a Nehimaiya di govna an Ezra di prees ahn skraib, an eena di taim a Jeshwa son Joyakim, hoo da-mi Joazadak granson.
27 Dehn gaahn luk fi di Leevait dehn evriway wehpaat dehn mi-di liv ahn bring dehn da Jeroosalem soh dat dehn ku selibrayt ahn rijais, laik how dehn mi finish bil Jeroosalem waal. Dehn rijais ahn sing ahn giv tanks ahn play myoozik pahn simbal, haap, an ada inschrument.*
28 Ahn di singa dehn weh mi ga chraynin kohn tugeda fahn di dischrik,* fahn di vilij dehn wehpaat di peepl fahn Netoafa liv, fahn aal rong Jeroosalem,
29 fahn Bet-gilgal, ahn fahn di ayrya rong Geeba an Azmavet, bikaaz di singaz mi bil sohn vilij fi dehnself aal rong Jeroosalem.
30 Ahn di prees ahn Leevait dehn mi mek dehnself kleen akaadn tu di Laa, ahn dehn mi du di saym ting wid di peepl, di gayt, ahn di waal.
31 Den Ah bring di leeda dehn* oava Jooda pahn tap a di waal, an Ah aaganaiz too big groop a singaz weh gi tanks tu Gaad, an eech wan mi ga wahn big groop a peepl di fala dehn. Wan groop gaahn tu di rait pahn di waal tuwaadz di gayt weh goh tu di gyaabij domp.
32 Hoshaiya ahn haaf a di leeda dehn oava Jooda mi-di waak bihain dehn,
33 lang wid Azaraiya, Ezra, Mesholam,
34 Jooda, Benjamin, Shimaiya, ahn Jerimaiya.
35 Ahn som a di prees dehn mi-di kohn bihain dehn wid dehn chrompit. Wan a dehn da-mi Zekaraiya hoo da-mi Janatan son, Janatan da-mi Shimaiya son, Shimaiya da-mi Matanaiya son, Matanaiya da-mi Mikaiya son, Mikaiya da-mi Zaker son, ahn Zaker da-mi Aysaf son.
36 Ahn Zekaraiya breda dehn Shimaiya, Azarel, Milalai, Gilalai, Mayai, Netanel, Jooda, ahn Hanaynai gaahn lang wid ahn, an dehn kehr dehn inschrument weh mi simila tu di wan dehn weh Gaad servant Dayvid mek. An Ezra di skraib gaahn heda dehn.
37 Wen dehn reech di Fongtin Gayt, dehn kantinyu waak schrayt ahn paas oava di Stayz weh goh tu Dayvid Siti ahn kantinyu op di waal weh goh oava Dayvid Hows, ahn den dehn gaahn da di Waata Gayt weh mi deh pahn di ees said.
38 Ahn di ada groop a singaz mi waak di ada way, ahn mee ahn di ada haaf a di peepl mi fala dehn. Wi mi waak pahn di waal op oava di Oavm Towa ahn paas tap a di Braad Waal,
39 ahn gaan oava di Eefrayim Gayt, ahn den wi paas di Oal Siti Gayt, di Fish Gayt, Hananel Towa, Meeya Towa, ahn di Sheep Gayt, ahn den dehn mi stap da di Wachman Gayt.
40 Afta dat, di too groop a singaz weh gi tanks stan op fronta di chroo Gaad templ,* ahn mee ahn haaf a di ada ofishal dehn mi deh lang wid dehn.
41 Ahn di prees dehn weh mi ga chrompit da-mi Elaiyakim, Mayasaiya, Minaiyamin, Mikaiya, Eliyoweenai, Zekaraiya, ahn Hananaiya,
42 lang wid Mayasaiya, Shimaiya, Eliyayza, Ozai, Jehohaynan, Malkaija, Eelam, an Eezer. Ahn di singa dehn mi sing owt haad anda Izrahaiya dairekshan.
43 Pahn da day dehn aafa sakrifais ahn selibrayt bikaaz di chroo Gaad mi mek dehn reeli hapi. An aala di wuman ahn pikni an evribadi eena Jeroosalem mi-di selibrayt ahn mek soh moch naiz dat peepl kuda mi hyaa dehn fahn faar.
44 Pahn da day dehn mi asain sohn man fi tek kayr a di stoarhows dehn fi di kanchribyooshan, di fers paat a dehn haavis, ahn di ten persent weh dehn kalek. Dehn mi gyada evriting weh di Laa seh dehn mi fi gyada fi di prees ahn di Leevait dehn fahn di siti dehn weh mi ga plantayshan rong dehn, ahn dehn put aala it eena di stoarhows dehn. An evribadi da Jooda mi-di rijais bikaaz a di prees ahn di Leevait dehn weh mi-di serv eena di templ.
45 Ahn dehn staat tek kayr a dehn rispansabiliti akaadn tu di inschrokshanz fahn Dayvid an ih son Salaman, eena di way how dehn serv Gaad an eena di way how dehn mek shoar dehn kleen evriting. Ahn di singa dehn ahn di man dehn weh gyaad di gayt du di saym ting.
46 Fahn eena Dayvid an Aysaf dayz, dehn mi ga peepl weh mi leed di singaz wen dehn sing prayz ahn tanks tu Gaad.
47 Joorin Zerobabel ahn Nehimaiya dayz, evri day di Izrelait dehn wuda gi food tu di singa dehn ahn di man dehn weh gyaad di gayt. Dehn mi aalso set asaid food fi di Leevait dehn, ahn den di Leevait dehn set asaid food fi Ayron disendant dehn.
Futnoat
^ Ih seemz dat di oal kapiz a di Heebroo teks lef owt wahn naym ya.
^ Lit., “myoozikal inschrument weh ga schring.”
^ Dis di rifaa tu di dischrik rong di Jaadn Riva.
^ Lit., “di prins dehn.”
^ Lit., “hows.”
