Praverbz 2:1-22
2 Mi son, if yu aksep di tingz weh Ah di tel yuAn obay mi komanment dehn
2 Wen yu mek yu ayz pay atenshan tu wizdomAhn yu oapm op yu haat soh dat yu ku ga gud jojment;
3 Pahn tap a dat, if yu bayg fi ga andastandin,If yu kip di aks fi ga gud jojment,
4 If yu kip di luk fi dehn laik if yu di luk fi silva,An if yu kip di saach fi dehn laik if yu di saach fi chrezha weh sombadi beri,
5 Den yu wahn andastan weh ih meen fi ga lata rispek fi Jehoava,Ahn yu wahn laan bowt Gaad.
6 Wizdom kohn fahn Jehoava,Ahn nalij an andastandin kom owta ih mowt.
7 Hihn put op wizdom laik chrezha soh ih ku giv it tu raichos peepl.Hihn da laik wahn sheel tu peepl weh stay faytful aal dehn laif.
8 Hihn wach oava peepl weh chreet adaz fyaa,An ih wahn protek di laif a dehn wan weh stay faytful tu ahn.
9 Den yu wahn andastan weh da di rait way fi goh;Yu wahn andastan weh ih meen fi bee raichos, aanis, ahn fyaa.
10 Wen yu hapi fi geh wizdomAhn yu* staat tu lov nalij,
11 Den yu wahn laan how fi tink di rait way ahn dat wahn kip yu sayf,An andastandin wahn protek yu.
12 Dehndeh tingz wahn protek yu soh dat yu noh goh di rang way.An ih wahn protek yu fahn peepl weh tel lai,
13 Fahn peepl weh stap waak pahn di rait roadAhn staat waak eena daaknis,
14 Fahn peepl weh hapi fi du rangAhn weh tek plezha eena eevl tingz,
15 Fahn peepl weh noh aanisAhn weh chriki eena evriting weh dehn du.
16 Wizdom wahn protek yu fahn wahn imoaral* wuman weh du wikid tingz,An ih wahn protek yu wen shee chrai sweet taak yu.
17 Shee mi lef ih hozban* weh ih mi deh wid fahn ih yong,An ih ferget di kovenant* bitween shee an ih Gaad.
18 Wen yu goh da fi shee hows da laik if yu di goh tuwaadz det,Ahn di road tu fi shee hows di goh dong tu di grayv.
19 Enibadi weh ga sekshwal rilayshanz wid shee wahn kyaahn lef fahn deh,Ahn dehn wahn kyaahn goh bak pahn di road weh leed tu laif.
20 Soh waak pahn di road weh gud peepl waak pan,Ahn stay pahn di road weh raichos peepl di waak pan,
21 Bikaaz onli raichos peepl wahn liv pahn di ert,An inosent peepl* wahn stay pan it.
22 Bot Gaad wahn dischrai wikid peepl,Ahn hihn wahn root owt peepl weh laik chrik adaz fahn di ert.
Futnoat
^ Er “yu soal.” Si di Glasari, “Soal.”
^ Di Heebroo werd fi ‘imoaral’ ku rifaa tu peepl weh noh waahn ga notn fi du wid Gaad ahn weh noh waahn liv bai fi hihn standadz.
^ Lit., “kloas fren.”
^ Si di Glasari, “Kovenant.”
^ Er “Ahn dehn wan weh stay faytful.”
