Praverbz 3:1-35
3 Mi son, noh ferget di tingz weh Ah teech yu,*Ahn mek yu haat obay mi komanment dehn,
2 Bikaaz if yu du dat, yu wahn liv langaAhn ga wahn peesful laif.
3 Aalwayz shoa lov* ahn stay faytful.
Tai dehndeh tingz rong yu nek,Ahn rait dehn dong pahn yu haat.
4 Den Gaad ahn peepl wahn bee hapi wid yu,Ahn dehn wahn si dat yoo da wahn waiz persn.
5 Chros Jehoava wid aala yu haat,Ahn noh pen pahn yu oan wizdom.
6 Eena evriting weh yu du, tink bowt weh hihn waahnt,Ahn hihn wahn gaid yu eena di rait way.
7 Noh pen pahn yu oan wizdom.
Ga lata rispek fi Jehoava ahn ton weh fahn bad tingz.
8 Dat wahn heel yu badi*Ahn mek yu boan dehn schrang agen.
9 Aana Jehoava wid di preshos tingz weh yu gat;Giv ahn di bes tingz weh yu haavis fahn yu lan.
10 Den yu stoarhows dehn wahn geh ful op wid lata gud tingz,Ahn di plays wehpaat yu mash op grayps wahn oavafloa wid wain.
11 Mi son, noh rijek di karekshan weh Jehoava gi yu,Ahn noh geh beks wen ih karek yu,
12 Bikaaz Jehoava karek dehn wan weh ih lov,Jos laik how wahn pa karek ih son weh ih lov.
13 Wahn persn wahn bee hapi wen ih fain wizdomAhn wen ih laan how fi yooz gud jojment.
14 Ih beta fi geh wizdom dan fi geh silva,An ih beta fi ga wizdom dan fi ga goal.
15 Ih moa preshos dan koaral.*Ih beta dan eniting yu kuda eva waahnt.
16 Wizdom ga lang laif eena ih rait han,An ih ga richiz ahn gloari eena ih lef han.
17 If yu ga wizdom, yu wahn hapiAhn yu wahn ga pees eena yu laif.
18 Wizdom da laik wahn chree weh gi laif tu dehn wan weh hoal aan tu it.An if dehn kip di hoal aan tait tu it, peepl wahn seh dat dehn hapi.
19 Jehoava yooz wizdom fi put dong di fongdayshan a di ert,
An ih yooz andastandin fi put hevn eena ih plays.
20 Ih yooz ih nalij fi divaid di deep waata dehnAhn fi mek lee bit a rayn kohn dong fahn di klowd dehn.
21 Mi son, noh ferget dehnya tingz.*
Protek yu main ahn noh looz wizdom.
22 Dehn wahn mek yu* liv lang,Ahn dehn da laik wahn byootiful chayn rong yu nek.
23 Den yu wahn waak pahn di road ahn yu noh wahn frayd fi notn,Ahn yu fut wahn neva mek yu chrip dong.*
24 Yu noh wahn feel frayd wen yu goh sleep.Yu wahn lidong, ahn yu wahn injai yu sleep.
25 Yu noh wahn feel frayd wen fraitnin tingz hapm wen yu noh ekspek itNer wen bad tingz kohn pahn peepl laik wahn staam,
26 Bikaaz Jehoava wahn mek yu feel sayf,Ahn hihn noh wahn mek yu fut geh kech eena wahn chrap.
27 If yu ku help sohnbadi weh need help,Den noh hoal bak, help dehn.
28 If yu ku gi yu nayba sohnting rait now, den noh tel ahn,
“Goh fahn ya! Kohn bak tumaaro an Ah wahn gi yu!”
29 Yu noh fi plan notn bad gens yu nayba wen ih chros yu.
30 If sombadi neva du notn bad, noh pik wahn kwaaril wid dehn fi no reezn.
31 Noh jelos wahn vailent persn,Ahn noh chrai kapi di tingz weh ih du,
32 Bikaaz Jehoava hayt wahn chriki persn,Bot hihn da kloas fren wid peepl weh raichos.
33 Jehoava kers di famili a di wikid persn,Bot ih bles di famili a di raichos persn.
34 Hihn mak dehn wan weh mek fon a adaz,Bot ih hapi wid dehn wan weh hombl.
35 Di waiz persn wahn geh aana,Bot di schupid persn lov tingz weh bring shaym.
Futnoat
^ Er “noh ferget mi laa.”
^ Er “shoa laayal lov.” Si di Glasari, “Laayal lov.”
^ Lit., “naybl.”
^ Si di Glasari, “Koaral.”
^ Ih seemz dat dis di rifaa tu Gaad kwaliti dehn weh di vers dehn bifoa dis wan di taak bowt.
^ Er “yu soal.” Si di Glasari, “Soal.”
^ Er “wahn neva nak gens eniting.”
