Praverbz 5:1-23
5 Mi son, pay atenshan tu di waiz tingz weh Ah seh.
Lisn gud tu di tingz weh Ah teech yu bowt andastandin,
2 Soh dat yu ku protek yu main an aalwayz taak di chroot.
3 Di werdz weh kom owta wahn imoaral* wuman mowtSweet laik honi ahn smooda dan ail.
4 Bot shee en op fi bee laik wahn plaant* weh bitaAhn laik wahn soad weh shaapm pahn di too said.
5 Fi shee fut goh dong di road weh leed tu det,
Ahn fi shee step goh schrayt tu di Grayv.*
6 Shee nat eevn tink bowt waak pahn di road weh leed tu laif.
Shee wanda bowt, bot ih noh eevn noa wehpaat ih gwehn.
7 Soh now, mi son,* lisn tu mi,Ahn noh rijek di tingz weh Ah di tel yu.
8 Stay faar fahn shee;Noh eevn goh fronta ih hows,
9 Soh dat yu noh looz yu gud repyutayshan,Ahn yu noh sofa fi di res a yu laif,
10 Ahn soh dat ada peepl noh tek weh di tingz weh bilangz tu yu,Ahn dehn noh injai di tingz weh yu werk haad fa.
11 If yu noh lisn, yu laif wahn en eena saroWen yu badi noh helti ahn schrang nohmoh.
12 Ahn yu wahn seh: “Ah noh noa wai Ah mi hayt disiplin!
Ah noh noa wai Ah mi hayt it wen peepl karek mi!
13 Ah neva lisn tu di vais a dehn wan weh mi-di teech miNer pay atenshan tu dehn.
14 Ah soon finish dischrai di res a mi laif fronta evribadi.”*
15 Jrink waata fahn yu oan wel,Ahn jrink waata weh kom owta* yu spring.
16 Wai yu wuda waahn yu waata floa owtsaida yu lanAhn floa eena wahn ayrya weh lata peepl deh?
17 Aala da waata shuda onli bee fi yoo ahn noh fi nobadi els.
18 Mek Gaad bles yu wel,*Ahn rijais wid di waif weh yu ga fahn wen yu yong.
19 Shee da laik wahn lovin feemayl dyaa ahn laik wahn byootiful mongtin goat.*
Mek fi shee bres dehn satisfai yu aal di taim.
Aalwayz mek fi shee lov mek yu waahn deh wid ahn.
20 Soh mi son, wai yu shuda bee wahn slayv tu wahn imoaral* wuman?Er wai yu shuda hog ahn an hoal ahn tait?
21 Jehoava si weh peepl du,An ih pay atenshan tu evriting.
22 Wikid peepl geh kech eena dehn oan chrap sayka di mistayk dehn weh dehn mek,Ahn dehn sin da laik roap weh tai dehn op.
23 Dehn wahn ded bikaaz dehn neva aksep disiplin,Ahn dehn wahn schray weh bikaaz dehn soh foolish.
Futnoat
^ Si di futnoat da Praverbz 2:16.
^ Er “laik wermwud.” Si di Glasari, “Wermwud.”
^ Er “Sheeyol,” weh da di Grayv. Si di Glasari, “Grayv.”
^ Lit., “mi son dehn.”
^ Lit., “fronta di asembli ahn di kangrigayshan.”
^ Er “jrink fresh waata fahn.”
^ Er “di plays wehpaat yu waata kohn fram.”
^ Di Inglish naym fi dis animal da ibex.
^ Si di futnoat da Praverbz 2:16.
