Saam 1:1-6
1 Wahn persn wahn bee hapi wen ih noh lisn tu di advais weh wahn wikid persn giv ahn.
Ih wahn bee hapi wen ih noh stan op pahn di saym road weh wahn sina deh panAhn wen ih noh sidong wid nobadi weh mek fon a eniting weh gud.
2 Bot da persn lov Jehoava laa wahn lat,An ih reed da laa eena wahn loa vais* evri day an evri nait.
3 Ih wahn bee laik wahn chree weh dehn plaant bai sohn schreem,Wahn chree weh bayr lata froot wen ih deh eena seezn,Ahn di leef dehn fahn di chree noh wahn jrai op.
An evriting weh ih du gwehn gud far ahn.
4 Bot wikid peepl da noh laik dat;Dehn da laik di chrash fahn di weet weh di breez bloa weh.
5 Dat da wai wen wikid peepl geh joj, dehn noh wahn get weh fahn ponishment.
An enibadi weh da wahn sina noh wahn deh monks di raichos peepl.
6 Jehoava si evriting weh raichos peepl du,Bot hihn wahn dischrai di wikid peepl ahn di tingz weh dehn du.
Futnoat
^ Er “ih tek di taim fi tink gud bowt weh ih reed fahn da laa.”
