Saam 101:1-8
Dis da Dayvid sang.
101 Ah wahn sing bowt yu lov* ahn jostis.
Yes, Oa Jehoava, Ah wahn sing prayz tu* yoo.
2 Ah wahn bee waiz ahn du weh rait.
Wen yu wahn help mi?
Eevn wen Ah deh eena mi hows, Ah wahn serv yoo wid wahn pyoar haat.
3 Ah noh wahn luk pahn notn weh wertles.
Ah noh wahn gat notn fi du wid peepl weh stap du weh rait,Bikaaz Ah hayt di tingz weh dehn du.
4 Ah stay faar fahn enibadi weh ga wahn wikid haat;Ah noh waahn ga notn fi du wid eniting weh bad.
5 Ah wahn put wahn stap tu* enibadi weh spred lai bowt dehn nayba.
Ah noh wahn talarayt enibadi weh prowd ahn boasi.
6 Ah wahn aana di peepl dehn pahn di ert weh faytful,Ahn dehn wahn liv wid mi.
Dehn wan weh du weh rait wahn serv mee.
7 Ah noh wahn alow wahn chriki persn fi liv eena mi hows,An Ah noh wahn mek no laiyad persn stan op fronta mi.
8 Evri maanin Ah wahn put wahn stap tu* aala di wikid tingz weh di hapm eena dis lan,Ahn dischrai aala dehn wan weh du rang eena Jehoava siti.
Futnoat
^ Er “laayal lov.” Si di Glasari, “Laayal lov.”
^ Er “mek myoozik fi.”
^ Er “geh rid a.”
^ Er “geh rid a.”
