Saam 103:1-22
Dis da Dayvid sang.
103 Ah waahn prayz Jehoava;Ah waahn prayz fi hihn hoali naym wid aala mi haat.
2 Ah waahn prayz Jehoava,Ah wuda neva waahn ferget aala di tingz weh hihn du.
3 Hihn fergiv aala yu mistayk dehnAhn heel aala yu payn ahn sofarin;
4 Hihn sayv yu fahn det,*Ahn hihn shoa yu lov* ahn mersi.
5 Ih ful op yu laif wid lata gud tingz,Soh dat yu ku stay yong ahn ful a enerji jos laik wahn eegl.
6 Jehoava raichos wen ih di deel wid dehn wan weh di sofa,An ih gi dehn jostis.
7 Hihn mek Moaziz noa weh kaina persn Hihn,An Ih shoa di peepl fahn Izrel di tingz weh ih du.
8 Jehoava shoa lata mersi; ih ga kompashan;Ih noh eezi fi geh beks, an ih shoa wahn lata lov.*
9 Ih noh wahn hoal wi mistayk dehn gens wi fareva,An ih noh wahn stay beks fareva.
10 Ih noh yooz wi sin dehn fi disaid how fi deel wid wi,An ih noh gi wi di ponishment weh wi dizerv fi wi sin dehn.
11 Hihn ga soh moch lov* fi dehn wan weh rispek* ahn,An fi hihn lov az big az di spays bitween hevn an ert.
12 Yoo kehr wi sin dehn faar fahn wi;Yu kehr dehn az faar az di ees deh fahn di wes.
13 Jehoava shoa mersi tu peepl weh rispek* ahn,Jos laik how wahn pa shoa mersi tu ih son dehn.
14 Hihn noh ferget how ih mek wi;Hihn memba dat wi mek owta dos.
15 Wahn hyooman laif shaat; da laik graas weh jrai op faas.
Ih onli bloom fi wahn lee wail laik wahn flowaz eena wahn feel.
16 Bot wen di breez bloa, ih bloa weh di flowaz,Ahn da laik if ih neva eevn dehdeh.
17 Bot di lov* weh Jehoava gat tuwaadz peepl weh rispek* ahn wahn laas fareva.*
Hihn wahn aalwayz shoa fi hihn raichosnis tuwaadz di jenarayshanz weh kom afta dehn,
18 Tuwaadz dehn wan weh kip ih kovenant*Ahn tuwaadz dehn wan weh obay ih koman dehn.
19 Jehoava mek hevn bee ih chroan,Ahn hihn da King oava evriting.
20 Aala unu powaful aynjelz, weh lisn tu Gaad koman an obay weh ih seh,*Unu prayz Jehoava.
21 Di hoal aami a aynjelz, hoo serv Gaad ahn du weh hihn waahnt,Unu prayz Jehoava.
22 Aala Jehoava kriyayshan, unu prayz ahn.
Yes, prayz ahn eena aala di plays dehn wehpaat ih rool.
Ah waahn prayz Jehoava wid mi hoal haat.
Futnoat
^ Er “di grayv.”
^ Er “laayal lov.” Si di Glasari, “Laayal lov.”
^ Er “laayal lov.”
^ Er “laayal lov.”
^ Lit., “fyaa.”
^ Lit., “fyaa.”
^ Er “laayal lov.”
^ Lit., “fyaa.”
^ Er “fahn evalastin tu evalastin.”
^ Si di Glasari, “Kovenant.”
^ Lit., “hyaa di vais (song) a fi hihn werd.”
