Saam 11:1-7
Dis da fi di dairekta. Dis da Dayvid sang.
11 Ai goh tu Jehoava fi tek shelta.
Soh da how yoo wahn tel mee:
“Hori goh haid eena di mongtin, jos laik wahn berd!
2 Luk pahn how dehn wan weh wikid ga dehn boa an aro redi;Fahn eena di daaknis dehn set di aro pahn di boa schring,Fi shoot dehn wan weh ga wahn aanis haat.
3 Weh wahn raichos persn ku duWen no jostis noh deh?”
4 Jehoava deh eena ih hoali templ.
Jehoava chroan deh eena hevn.
Ahn wid ih oan too aiy ih wach dehn gud; ih luk deep eena eech persn.
5 Jehoava pay kloas atenshan tu dehn wan weh raichos ahn dehn wan weh wikid;Hihn* hayt enibadi weh lov vailens.
6 Hihn wahn set chrap fi di wikid wan dehnAhn mek faiya ahn solfa rayn dong pahn dehn.
7 Jehoava raichos, ahn hihn lov wen peepl du weh rait.
Hihn wahn bles dehn wan weh ga wahn aanis haat.*
