Saam 111:1-10
111 Prayz Jah!*
א [Aleph]*
Ah wahn prayz Jehoava wid aala mi haatב [Beth]Monks di raichos wan dehn weh gyada tugeda an eena di kangrigayshan.*
ג [Gimel]
2 Jehoava du lata wandaful tingz,ד [Daleth]An evribadi weh injai di tingz weh hihn du stodi dehndeh tingz.
ה [He]
3 Di tingz weh hihn du byootiful ahn dizerv aana,ו [Waw]Ahn fi hihn raichosnis wahn laas fareva.
ז [Zayin]
4 Hihn du wandaful tingz weh peepl aalwayz memba.
ח [Heth]
Jehoava ga kompashan ahn mersi.
ט [Teth]
5 Hihn gi food tu dehn wan weh rispek* ahn.
י [Yod]
Hihn wahn neva eva ferget di kovenant* weh hihn mek.
כ [Kaph]
6 Hihn shoa ih peepl how powaful ih powafulל [Lamed]Wen hihn gi dehn di inheritans weh bilangz tu di ada nayshan dehn.
מ [Mem]
7 Hihn aanis ahn fyaa eena evriting hihn du;נ [Nun]Yu ku chros aala ih koman dehn.
ס [Samekh]
8 Yu ku aalwayz rilai pahn fi hihn koman dehn, now ahn fareva;ע [Ayin]Hihn mek dehndeh koman bikaaz hihn faytful ahn raichos.
פ [Pe]
9 Hihn sayv ih peepl dehn,צ [Tsade]
Ahn hihn mek wahn kovenant weh fi laas fareva.
ק [Qoph]
Fi hihn naym hoali an amayzin.
ר [Resh]
10 Rispek fi Jehoava da di fers step tu wizdom.
ש [Sin]
Evribadi weh obay fi hihn koman dehn shoa dat dehn ga gud andastandin.
ת [Taw]
Hihn wahn geh prayz fareva.
Futnoat
^ Er “Halelooya!” “Jah” da di shaat way fi seh Jehoava naym.
^ Dis da di fers leta a di Heebroo alfabet. Si di Glasari, “Akrostik stail.”
^ Si di Glasari, “Kangrigayshan.”
^ Lit., “fyaa.”
^ Si di Glasari, “Kovenant.”
