Saam 112:1-10
112 Prayz Jah!*
א [Aleph]
Di persn weh rispek* Jehoava,ב [Beth]Ahn weh lov fi obay fi hihn koman dehn wahn bee hapi.
ג [Gimel]
2 Fi hihn disendant dehn wahn bee powaful aal oava di ert,ד [Daleth]Ahn di raichos wan dehn wahn geh bles.
ה [He]
3 Ih hows ful op a richiz ahn lata ekspensiv tingz,ו [Waw]Ahn peepl wahn aalwayz rimemba di gud tingz weh ih du.
ז [Zayin]
4 Ada raichos peepl si ahn az wahn brait lait eena di daaknis.
ח [Heth]
Ih raichos, an ih ga kompashan ahn mersi.
ט [Teth]
5 Wahn persn weh jenaros ahn len tu di wan dehn weh poa wahn bee hapi.
י [Yod]
Ih fyaa weneva ih du bizniz.
כ [Kaph]
6 Ih wahn aalwayz bee schrang.
ל [Lamed]
Peepl wahn neva ferget dehn wan weh raichos.
מ [Mem]
7 Ih noh wahn frayd fi bad nyooz.
נ [Nun]
Ih ga kanfidens bikaaz ih chros eena Jehoava.
ס [Samekh]
8 Ih kanfident eena ih haat, soh ih noh frayd.
ע [Ayin]
Eena di en, ih wahn ga vikchri oava ih enimi dehn.
פ [Pe]
9 Ih veri jenaros, an ih shayr wid dehn wan weh poa.
צ [Tsade]
Peepl wahn aalwayz rimemba di gud tingz weh ih du.
ק [Qoph]
Hihn wahn ga moa powa an evribadi wahn aana an rispek ahn.
ר [Resh]
10 Peepl weh wikid wahn kyaahn stan fi si dat.
ש [Shin]
Dehn wahn looz hoap, ahn geh weeka ahn weeka ahn disapyaa.
ת [Taw]
Dehn wan weh wikid noh wahn geh eniting weh dehn waahnt.
