Saam 115:1-18
115 Wee noh dizerv notn, Oa Jehoava, wi noh dizerv notn.
Bot fi yoo naym dizerv gloari,Sayka weh yu shoa lov* ahn yu laayal.
2 Noh alow di nayshan dehn fi seh:
“Wehpaat fi dehn Gaad deh?”
3 Fi wee Gaad deh da hevn,Ahn hihn du weh hihn waahnt.
4 Fi dehn aidolz mek owta silva ahn goal,Ahn da hyoomanz mek dehn.
5 Dehn ga mowt, bot dehn kyaahn taak;Dehn ga aiy, bot dehn kyaahn si notn.
6 Dehn ga ayz, bot dehn kyaahn hyaa notn;Dehn ga noaz, bot dehn kyaahn smel.
7 Dehn ga han, bot dehn kyaahn feel notn;Dehn ga fut, bot dehn kyaahn waak;Ahn nat wan song ku kom owta dehn chroat.
8 Di peepl weh mek dehn wahn en op jos laik dehn,Ahn di sayhn ting wahn hapm tu enibadi weh put dehn chros eena dehn.
9 Oa Izrel, put unu chros eena Jehoava;Da hihn help unu ahn protek unu.
10 Unu weh da Ayron disendant dehn, chros eena Jehoava;Da hihn help unu ahn protek unu.
11 If yoo ga lata rispek fi Jehoava, den chros eena Jehoava;Da hihn help unu ahn protek unu.
12 Jehoava memba wi ahn hihn wahn bles wi;Hihn wahn bles Izrel,Ahn hihn wahn bles Ayron disendant dehn.
13 Jehoava wahn bles enibadi weh ga lata rispek fi hihn,*Fahn dehn wan weh yong tu dehn wan weh oal.
14 Jehoava wahn mek unu an unu disendant dehn praspa ahn ga lata pikni.
15 Ah hoap Jehoava, di Kriyayta a hevn an ert, bles unu.
16 Hevn bilangz tu Jehoava,Bot hihn gi di ert tu hyoomanz.
17 Ded peepl noh prayz Jah;Ahn di peepl eena di grayv kyaahn prayz ahn needa.
18 Bot wee wahn prayz Jah,Fahn now aan ahn fi fareva.
Prayz Jah!*
Futnoat
^ Er “laayal lov.” Si di Glasari, “Laayal lov.”
^ Er “weh fyaa hihn.”
^ Er “Halelooya!” “Jah” da di shaat way fi seh Jehoava naym.
