Saam 116:1-19
116 Ai lov JehoavaBikaaz hihn hyaa* mi vais wen Ah bayg ahn fi help.
2 Hihn bring ih ayz kloas fi lisn* tu mi,An Ah wahn kaal owt tu ahn fi az lang az Ah liv.
3 Det mi deh kloas; da mi laik wahn roap weh tai op rong mi.
Di Grayv mi-di hoal aan tait tu mi,Soh Ah mi feel laik sadnis ahn fyaa tek mi oava.
4 Bot Ah mi kaal pahn Jehoava naym:
“Oa Jehoava, reskyu mi!”*
5 Jehoava raichos an ih ga lata kompashan;Fi wee Gaad shoa lata mersi.
6 Jehoava di protek dehn wan weh noh gat ekspeeryens.
Hihn sayv mi wen Ah mi deh da mi loawis point.
7 Now Ah ku feel hapi agen,Kaaz Jehoava mi soh kain tu mi.
8 Yu sayv mi* fahn det;Yes, yu sayv mi, soh tyaaz neva kom owta mi aiy, ahn mi fut neva mek Ah jrap dong.
9 Ah wahn kantinyu fi liv ahn serv Jehoava.
10 Bikaaz Ah ga fayt, Ah seh weh deh pahn mi main,Eevn doa Ah mi-di sofa wahn lat.
11 Ah staat panik ahn seh:
“Ah kyaahn chros enibadi.”
12 How Ah ku pay bak JehoavaFi aal di gud tingz weh hihn du fi mi?
13 Ah wahn selibrayt bikaaz Hihn sayv mi,*An Ah wahn prayz Jehoava naym.
14 Fronta aala fi hihn peepl,Ah wahn pay di vow weh Ah mek tu Jehoava.
15 Jehoava feel lata payn if ih laayal servant dehn ded.
16 Ah di bayg yu, Oa Jehoava,Bikaaz Ai da yu servant.
Yes, Ai da yu servant, di son a yu feemayl slayv.
Ah mi chayn op, bot yoo set mi free.
17 Ah wahn aafa op sakrifais fi gi tanks tu yoo;Ah wahn kaal pahn Jehoava naym.
18 Fronta aala fi hihn peepl,Ah wahn pay di vow weh Ah mek tu Jehoava.
19 Ah wahn pay mi vow eena di koatyaad a Jehoava hows,An eena di midl a Jeroosalem.
Prayz Jah!*
Futnoat
^ Dis ku aalso bee “Ai lov bikaaz Jehoava hyaa.”
^ Er “Hihn ben dong fi lisn.”
^ Er “mi soal.” Si di Glasari, “Soal.”
^ Er “mi soal.”
^ Lit., “Ah wahn pik op di kop a salvayshan.”
^ Er “Halelooya!” “Jah” da di shaat way fi seh Jehoava naym.
