Saam 119:1-176
-
Apreeshiayt di tingz weh Gaad seh
א [Aleph]*
119 Enibadi weh obay Jehoava laaAhn weh aalwayz du weh rait* wahn bee hapi.
2 Enibadi weh lisn tu fi hihn rimaindazAhn saach far ahn wid dehn hoal haat wahn bee hapi.
3 Dehn noh du notn weh bad;Dehn liv di way how hihn waahn dehn liv.
4 Yu koman wiFi fala yu inschrokshanz az kloas az pasabl.
5 Ah wish Ah ku stay schrangAn aalwayz obay yu laa dehn.
6 Da way deh soh wen Ah stodi yu koman dehnAh noh wahn feel shaym.
7 Ah wahn prayz yu wid wahn pyoar haat,Bikaaz Ah laan bowt yu raichos disizhanz.
8 Ah wahn obay yu laa dehn.
Soh Ah hoap dat yu noh ton yu bak pahn mi.
ב [Beth]
9 Weh wahn yong persn need fi du if ih waahn liv di rait way?
Ih fi mek shoar dat evriting weh ih du lain op wid yu werdz.
10 Ah serv yu wid mi hoal haat.
Pleez noh mek Ah schray weh fahn yu komanment dehn.
11 Ah cherish yu werdz ahn kip dehn kloas tu mi haat,Soh dat Ah noh sin gens yu.
12 Oa Jehoava, mek evribadi prayz yu.
Teech mi yu laa dehn.
13 Ah yooz mi mowt fi taak bowt aala di disizhanz weh yoo mek.
14 Di rimaindaz weh Ah get fahn yoo gi mi moa hapinis dan richiz.
15 Ah wahn tink bowt* yu inschrokshanzAhn foakos pahn di road weh yu waahn Ah waak pan.
16 Ah lov yu laa dehn.
Ah wahn neva ferget eniting weh yoo seh.
ג [Gimel]
17 Bee kain tu mee, yu servant,Soh dat Ah ku kantinyu liv an Ah ku obay evriting weh yu seh.
18 Oapm mi aiy ahn help mi fi andastanDi wandaful tingz weh deh rait dong eena yu laa.
19 Ah feel laik wahn farina weh deh eena wahn nada konchri.
Pleez noh haid yu komanment dehn fahn mi.
20 Ah* aalwayz ga wahn dizaiya fi laan bowt di disizhanz weh yu mek.
21 Yoo skoal dehn wan weh prowd,Di saym peepl dehn weh deh anda wahn kers* bikaaz dehn schray weh fahn yu komanment dehn.
22 Bikaaz Ah lisn tu yu rimaindaz,Pleez sayv mi fahn mi enimi dehn weh disrispek ahn hayt mi.
23 Eevn wen di leeda dehn* kohn tugeda fi taak bad bowt mi,Ah tink bowt* yu laa dehn.
24 Ah lov yu rimaindaz;Dehn da laik mai advaiza.
ד [Daleth]
25 Da laik Ah* di lidong eena di dert, an Ah di geh weeka ahn weeka.
Kip mi alaiv jos laik weh yu pramis fi du.
26 Ah tel yu bowt evriting weh Ah du, ahn yu gi mi gaidans.
Pleez teech mi yu laa dehn.
27 Help mi fi andastan yu inschrokshanz,Soh dat Ah ku tink bowt* di wandaful tingz weh yu du.
28 Di sadnis weh Ah feel mek Ah kyaahn eevn sleep.
Schrentn mi laik weh yu pramis fi du.
29 Pleez help mi noh fi bee wahn laiyad persn;Ga mersi pahn mi ahn teech mi yu laa.
30 Ai chooz fi bee laayal tu yoo.
Yoo aalwayz mek di rait disizhanz.
31 Ah wahn stik tu yu rimaindaz.
Oa Jehoava, pleez noh mek Ah luk shaym.
32 Ai redi fi obay yu komanment dehnBikaaz yu help mi fi andastan dehn.*
ה [He]
33 Oa Jehoava, pleez teech mi how fi obay yu laa dehn,An Ah wahn aalwayz fala dehn.
34 Help mi fi andastan yu laa dehn,Soh dat Ah ku obay dehnAhn fala dehn wid mi hoal haat.
35 Gaid mi soh dat Ah ku obay yu komanment dehn,Bikaaz ih mek Ah feel hapi.
36 Help mi fi lov yu rimaindazSoh dat Ah noh goh afta mi selfish dizaiyaz.
37 Help mi fi noh luk pahn tingz weh wertles;Help mi fi waak pahn yu road soh dat Ah ku kantinyu liv.
38 Du weh yu mi pramis fi du fi yu servant,Soh dat peepl ku shoa deep rispek fi yoo.*
39 Tek weh di shaym weh Ah feel sayka mi enimi dehn,Bikaaz yu jojment aalwayz gud.
40 Noatis humoch Ah waahn fala yu inschrokshanz.
Pleez sayv mi laif bikaaz yoo raichos.
ו [Waw]
41 Oa Jehoava, mek Ah feel di lov* weh yu ga fi mi,Ahn pleez sayv mi jos laik weh yu mi pramis.
42 Den Ah wahn ku ansa di wan weh di insolt mi,Bikaaz Ah put mi chros eena di tingz weh yu seh.
43 Pleez help mi fi kantinyu taak bowt di chroot,Bikaaz Ah put mi chros eena* yu jojment.
44 Ah wahn aalwayz obay yu laa dehn,Fareva an eva.
45 Ahn noh mata wehpaat Ah goh Ah wahn bee sayf,Bikaaz Ah stodi yu inschrokshanz soh dat Ah ku fala dehn.
46 Ah wahn taak bowt yu rimaindaz fronta di king dehn,An Ah noh wahn feel shaym wen Ah du it.
47 Ah lov yu komanment dehn,Yes, Ah lov dehn wahn lat.
48 Ah wahn rayz mi han dehn ahn pray tu yoo bikaaz Ah lov yu komanment dehn,An Ah wahn tink bowt* yu laa dehn.
ז [Zayin]
49 Rimemba di pramis weh yu mek tu mi,Di pramis weh gi mi hoap.*
50 Wen Ah di sofa, dis gi mi komfert;Di tingz weh yu seh help mi fi kantinyu liv.
51 Dehn wan weh prowd mek fon a mi,Bot Ah kantinyu fala yu laa dehn.
52 Ah memba di disizhanz weh yu mek fahn lang taim, Oa Jehoava,Ahn dehn gi mi komfert.
53 Wahn anga di bon eensaida mi bikaaz a di wikid peepl weh noh obay yu laa.
54 Yu laa dehn da laik wahn sang tu mee,Noh mata wehpaat Ah goh liv.*
55 Joorin di nait Ah tink bowt yu naym, Oa Jehoava,Soh dat Ah ku obay yu laa dehn.
56 Ah aalwayz du dis,Bikaaz Ah waahn obay yu laa dehn.
ח [Heth]
57 Jehoava, yoo da evriting weh Ai need;Ah mi pramis fi obay evriting weh yoo seh.
58 Wid aala mi haat Ah aks yu fi shoa mi yu kainis;Shoa mi mersi laik weh yu mi pramis.
59 Ah egzamin evriting weh Ah du,Soh dat Ah ku kohn bak ahn staat tu fala yu rimaindaz agen.
60 Ah hori fi obay yu komanment dehn;Ah noh ways no taim.
61 Wikid peepl set sohn chrap aal rong mi,Bot Ah stil noh ferget yu laa.
62 Eena di midl a di nait Ah get op fi tank yuFi aala yu raichos disizhanz.
63 Ai da frenz wid evribadi weh rispek yuAn evribadi weh obay yu inschrokshanz.
64 Oa Jehoava, di ert ful op a yu lov;*Teech mi yu laa dehn.
ט [Teth]
65 Oa Jehoava, yu mi kain tu mee, yu servant,Jos laik weh yu mi pramis fi du.
66 Pleez gi mi nalij an andastandin,Bikaaz Ai put mai chros eena yu komanment dehn.
67 Ah yoostu mek wahn lata mistayk, an Ah mi sofa bikaaz a dat,Bot now Ai obay evriting weh yoo seh.
68 Yoo da wahn gud Gaad, an evriting weh yoo du gud.
Teech mi yu laa dehn.
69 Peepl weh prowd ahn faysi tel loan lai bowt mi,Bot Ai obay yu inschrokshanz wid aala mi haat.
70 Fi dehn haat noh ga no kaina feelin,Bot Ai lov yu laa.
71 Ih gud dat Ah mi gaahn chroo sofarin.
Bikaaz a dat, Ah laan yu laa dehn.
72 Di laa weh yoo gi gud fi mee.
Tu mee, ih moch beta dan wahn towzn pees a silva ahn goal.
י [Yod]
73 Yoo mek mi wid yu han dehn ahn da yoo shayp mi.
Pleez help mi ga andastandin,Soh dat Ah ku laan yu komanment dehn.
74 Di peepl dehn weh rispek* yu rijais wen dehn si mi,Bikaaz di tingz weh yu seh gi mi hoap.*
75 Oa Jehoava, Ah noa dat yu disizhan dehn raichosAhn dat yu disiplin mi bikaaz yu faytful.
76 Pleez komfert mi wid yu lov,*Jos laik weh yu mi pramis fi du fi mee, yu servant.
77 Shoa mi mersi, soh dat Ah ku kantinyu fi liv,Bikaaz Ah lov yu laa.
78 Mek dehn wan weh prowd ahn faysi luk shaym,Bikaaz dehn chreet mi bad fi no reezn.
Bot Ai wahn stil tink bowt* yu inschrokshanz.
79 Mek dehn wan weh rispek* yuAhn weh noa yu rimaindaz kohn bak tu mi.
80 Pleez help mi fi obay aala yu laa dehn wid aala mi haat,Soh dat Ah noh luk shaym.
כ [Kaph]
81 Ah di geh weeka ahn weeka* wail Ah wayt fi mek yu sayv mi.
Di tingz weh yu seh gi mi hoap.*
82 Mi aiy dehn geh week wail Ah wayt fi mek yu pramis kohn chroo;An Ah aks: “Wen yu wahn komfert mi?”
83 Ai da laik wahn leda bag* weh jrai op sayka smoak,Bot Ah stil memba yu laa dehn.
84 Humoch langa Ah wahn haftu wayt?
Ahn wen yu wahn ponish dehn wan weh di mek Ah sofa?
85 Da laik if prowd peepl, di sayhn wan dehn weh rifyooz fi obay yu laa,Dig sohn pit fi mek Ah jrap eena.
86 Ah ku chros aala yu komanment dehn.
Peepl persikyoot mi fi no reezn, soh pleez help mi!
87 Dehn nayli dischrai mi,Bot Ah neva did stap fala yu inschrokshanz.
88 Bikaaz a yu lov,* pleez mek Ah kantinyu liv,Soh dat Ah ku obay di rimaindaz weh yu giv.
ל [Lamed]
89 Di tingz weh yoo seh wahn laas fareva, Oa Jehoava;Dehn wahn laas fi az lang az hevn egzis.
90 Evri jenarayshan wahn noa dat yu faytful.
Yu set di ert eena ih plays, soh dat ih ku kantinyu fi egzis fareva.
91 Hevn an ert egzis op tu tudeh bikaaz yoo gi di koman;Evriting weh yoo kriyayt serv yoo.
92 If Ah neva lov yu laa,Den aala mi sofarin wuda mi don kil mi.
93 Ah wahn neva ferget yu inschrokshanz,Bikaaz fi yoo inschrokshanz da weh mi kip mi alaiv.
94 Ai bilangz tu yoo; pleez sayv mi,Bikaaz Ah chrai haad fi obay yu inschrokshanz.
95 Wikid peepl waahn dischrai mi,Bot eevn den, Ah noh stap tink bowt yu rimaindaz.
96 Ai si wahn lata tingz weh perfek,Bot fi yoo komanment dehn beta dan aala dehndeh tingz.
מ [Mem]
97 Ah reeli lov yu laa!
Ah tink bowt* it aal day lang.
98 Yu komanment mek mi waiza dan mi enimi dehn,Bikaaz ih aalwayz dehdeh fi gaid mi.
99 Ah ga moa andastandin dan aala mi teecha dehn,Bikaaz Ah tink bowt* yu rimaindaz.
100 Di tingz weh Ah du shoa dat Ah ga moa andastandin dan di man dehn weh oalda dan mi,Bikaaz Ai obay yu inschrokanz.
101 Ah rifyooz fi du eniting eevl,Soh dat Ah ku kantinyu obay di tingz weh yu seh.
102 Ah noh ton mi bak pahn yu laa dehn,Bikaaz da yoo teech mi.
103 Evriting weh yoo seh tays sweet tu mee;Dehn tays sweeta dan honi.
104 Di tingz weh Ah du shoa dat Ah ga andastandin, bikaaz Ah obay yu inschrokshanz.
Dat da wai Ah hayt aala di road weh wahn leed mi fi du weh rang.
נ [Nun]
105 Yu werd dehn da wahn lamp fi mi fut,Ahn wahn lait fi mi road.
106 Ah mek wahn pramis fi stik tu yu raichos disizhanz,An Ah wahn kip da pramis.
107 Oa Jehoava, Ah gaahn chroo wahn lata sofarin.
Pleez kip mi alaiv laik weh yu pramis.
108 Oa Jehoava, pleez aksep di prayz weh Ah aafa op tu yoo wid mi hoal haat,Ahn teech mi yu laa dehn.
109 Ah aalwayz deh eena daynja,Bot eevn soh, Ah noh ferget yu laa.
110 Wikid peepl set wahn chrap fi mi,Bot Ah noh schray weh fahn yu inschrokshanz.
111 Ah wahn aalwayz chrezha yu rimaindaz,Bikaaz dehn ful op mi haat wid hapinis.
112 Ah mek op mi main fi obay yu laa dehnFi mi hoal laif, til Ah tek mi laas bret.
ס [Samekh]
113 Ah hayt peepl weh onli gi haaf a dehn haat tu yoo,Bot Ai lov yu laa.
114 Yoo da mi shelta ahn mi sheel,Bikaaz di tingz weh yu seh gi mi hoap.*
115 Aala unu wikid peepl, unu stay faar fahn mi,Soh dat Ai ku obay di komanment dehn fahn mi Gaad.
116 Pleez stay bai mi said laik weh yu mi pramis,Soh dat Ah ku kantinyu fi liv;Ai chros yu, soh pleez noh mek Ah luk shaym.
117 Pleez stay bai mi said soh dat Ah ku bee sayf,Den Ah wahn aalwayz foakos pahn yu laa dehn.
118 Yoo rijek enibadi weh noh obay yu laa dehn,Bikaaz dehn chriki ahn laiyad.
119 Yu geh rid a wikid peepl weh deh pahn di ert laik dehn da gyaabij.
Dat da wai Ah lov yu rimainda dehn.
120 Mi badi di chrimbl bikaaz Ah ga deep rispek fi yu;Ah rispek yu jojment dehn.
ע [Ayin]
121 Ah du tingz weh gud ahn raichos.
Pleez noh mek mi enimi dehn ga kanchroal oava mi.
122 Mek shoar tingz ton owt gud fi mi,Ahn noh mek dehn wan weh prowd ahn faysi chreet mi bad.
123 Mi aiy dehn geh week wail Ah di wayt fi mek yu sayv miAhn fi mek yu pramis dehn kohn chroo.
124 Aalwayz shoa mi lata lov,*Ahn teech mi yu laa dehn.
125 Ai da yu servant; pleez gi mi andastandin,Soh dat Ah ku noa yu rimaindaz.
126 Now da di taim fi mek yu step een, Oa Jehoava,Bikaaz peepl di brok yu laa.
127 Ah lov yu komanment dehn;Yes, Ah lov dehn moa dan goal, eevn moa dan pyoar goal.
128 Ahn dat da wai, tu mee, aala yu inschrokshanz raichos;Ah hayt aala di road weh wahn leed mi fi du weh rang.
פ [Pe]
129 Yu rimaindaz soh wandaful, Oa Gaad.
Dat da wai Ai obay dehn.
130 Peepl geh nalij fahn di tingz weh yu werd teech dehn,Ih mek dehn wan wid no ekspeeryens ga andastandin.
131 Ah oapm mi mowt waid ahn let owt wahn deep sai,*Bikaaz Ah ga wahn schrang dizaiya fi hyaa yu komanment dehn.
132 Pay atenshan tu mi ahn ga mersi pahn mi,Laik weh yu aalwayz du fi* dehn wan weh lov yu naym.
133 Mek yu werdz gaid mi soh dat Ah ku waak pahn wahn sayf road;Noh mek notn weh wikid ga kanchroal oava mi.
134 Sayv mi fahn dehn wan weh di mek Ah sofa,An Ah wahn fala yu inschrokshanz.
135 Mek yu fays shain* pahn mee, yu servant,Ahn teech mi yu laa dehn.
136 Tyaaz poar owt fahn mi aiy laik wahn schreem,Bikaaz peepl noh obay yu laa.
צ [Tsade]
137 Yoo raichos, Oa Jehoava,Ahn yu disizhanz aalwayz fyaa.
138 Di rimaindaz weh yoo gi raichos,An Ah ku aalwayz pen pahn dehn.
139 Ah ga wahn schrang dizaiya fi du yu wil, ahn dis dizaiya di bon eensaida mi laik wahn faiya,Bikaaz mi enimi dehn di ignoar di tingz weh yu seh.
140 Ah lov di tingz weh yu seh,Bikaaz evriting weh yu seh pyoar.
141 Dehn chreet mi laik Ai da nobadi ahn dehn hayt mi,Bot Ah stil noh ferget yu inschrokshanz.
142 Yu raichosnis laas fareva,Ahn yu laa da di chroot.
143 Eevn doa Ah di fays chrobl ahn tingz di geh haad,Ah stil lov yu komanment dehn.
144 Yu rimaindaz wahn aalwayz bee raichos.
Gi mi andastandin, soh dat Ah ku kantinyu liv.
ק [Qoph]
145 Ai wahn obay yu laa dehn.
Ah kaal owt tu yu wid mi hoal haat. Pleez ansa mi, Oa Jehoava.
146 Ah kaal pahn yoo; pleez sayv mi!
Ai wahn lisn tu yu rimainda dehn.
147 Ah wayk op fahn bifoa di son rayz soh dat Ah ku krai owt tu yoo fi help,Bikaaz di tingz weh yoo seh gi mi hoap.*
148 Ah wayk op eena di midl a di nait,Soh dat Ah ku tink bowt* di tingz weh yoo seh.
149 Bikaaz yu ga lata lov* fi mee, pleez lisn tu mi vais.
Oa Jehoava, kip mi alaiv sins yu joj eena wahn fyaa way.
150 Dehn wan weh tek paat eena wikid ahn doti tingz kohn kloas tu mi fi hert mi;Dehn schray faar fahn yu laa.
151 Yoo deh kloas tu mee, Oa Jehoava,An aala yu komanment dehn da di chroot.
152 Fahn way bak Ah mi laan bowt yu rimaindaz,Weh yoo mek fi laas fareva.
ר [Resh]
153 Luk pahn how Ah di sofa ahn reskyu mi,Bikaaz Ai noh ferget yu laa.
154 Difen mi eena mi leegal kays ahn reskyu mi;Sayv mi laif laik weh yu mi pramis.
155 Dehn wan weh wikid noh wahn geh salvayshan,Bikaaz dehn noh eevn chrai fi obay yu laa dehn.
156 Yoo ga wahn lata mersi, Oa Jehoava.
Sayv mi laif, bikaaz yoo da wahn fyaa Gaad.
157 Wahn lata peepl persikyoot mi, an Ah ga lata enimiz;Bot stilyet, Ah noh schray weh fahn yu rimaindaz.
158 Ah kyaahn stan si peepl weh noh laayal tu yoo, Oa Gaad,Bikaaz dehn noh obay eniting weh yoo seh.
159 Wach pahn humoch Ah lov yu inschrokshanz!
Pleez sayv mi laif, Oa Jehoava, bikaaz a yu lov.*
160 Chroot deh da di haat a evriting weh yoo seh,An aala yu raichos disizhanz wahn laas fareva.
ש [Sin] er [Shin]
161 Leedaz* persikyoot mi fi no reezn,Bot Ai ga lata rispek fi di tingz weh yoo seh.
162 Di tingz weh yoo seh mek Ah rijais;Dehn mek Ah rijais laik sombadi weh fain lata chrezha.
163 Ai hayt laiz; tu mee ih disgostin.
Bot Ai lov yu laa.
164 Ah prayz yoo sevn taimz fi di dayBikaaz a yu raichos disizhanz.
165 Dehn wan weh lov yu laa wahn ga lata pees;Notn wahn mek dehn stombl.
166 Ah di wayt fi mek yu sayv mi, Oa Jehoava,An Ah obay yu komanment dehn.
167 Ah* obay yu rimaindaz,An Ah lov dehn wahn lat.
168 Ah obay yu inschrokshanz ahn yu rimaindaz,Bikaaz yoo noa evriting weh Ah du.
ת [Taw]
169 Oa Jehoava, hyaa mi wen Ah di krai owt tu yoo.
Yooz yu werdz fi help mi ga andastandin.
170 Pleez hyaa mi wen Ah aks yu fi mersi.
Sayv mi jos laik weh yu mi pramis.
171 Prayz wahn poar owt fahn mi mowt,Bikaaz yoo teech mi yu laa dehn.
172 Ah wahn sing bowt di tingz weh yoo seh,Bikaaz aala yu komanment dehn raichos.
173 Pleez schrech owt yu han fi help mi,Bikaaz Ai chooz fi obay yu inschrokshanz.
174 Ai reeli waahn yu sayv mi, Oa Jehoava,An Ah lov yu laa.
175 Pleez mek Ah kantinyu liv soh dat Ah ku prayz yu;Mek yu laa dehn help mi.
176 Ah schray weh laik wahn sheep weh laas. Pleez saach fi mee,yu servant,Bikaaz Ai noh ferget bowt yu komanment dehn.
Futnoat
^ Dis da di fers leta a di Heebroo alfabet. Si di Glasari, “Akrostik stail.”
^ Er “weh stay faytful.”
^ Er “stodi.”
^ Er “Mi soal.” Si di Glasari, “Soal.”
^ Si di Glasari, “Kers.”
^ Lit., “di prins dehn.”
^ Er “stodi.”
^ Er “mi soal.”
^ Er “stodi.”
^ Dis ku aalso bee “yu gi mi haat di kanfidens.”
^ Er “ku fyaa yoo.” Dis ku aalso bee “Weh yu pramis fi du fi dehn wan weh fyaa yoo.”
^ Er “laayal lov.” Si di Glasari, “Laayal lov.”
^ Er “Ah wayt fi.”
^ Er “stodi.”
^ Er “weh yu mek Ah wayt pan.”
^ Er “Eena di hows wehpaat Ah di liv az wahn farina.”
^ Er “laayal lov.”
^ Er “fyaa.”
^ Er “Bikaaz Ah wayt fi yu werdz.”
^ Er “laayal lov.”
^ Er “stodi.”
^ Er “fyaa.”
^ Er “Mi soal di pain weh.”
^ Er “Ah wayt fi yu werdz.”
^ Lit., “skin batl.” Si di Glasari, “Skin batl.”
^ Er “laayal lov.”
^ Er “stodi.”
^ Er “stodi.”
^ Er “Bikaaz Ah wayt fi yu werdz.”
^ Er “laayal lov.”
^ Lit., “ahn pant.”
^ Er “Akaadn tu yu jojment tuwaadz.”
^ Er “Pleez smail.”
^ Er “Ah wayt fi yu werdz.”
^ Er “stodi.”
^ Er “laayal lov.”
^ Er “laayal lov.”
^ Lit., “Di prins dehn.”
^ Er “Mi soal.”
