Saam 12:1-8
-
Jehoava tek akshan
-
Evriting weh Gaad seh pyoar (6)
-
Wahn noat fi di dairekta: Choon di inschrument dehn tu Sheminit.* Dis da Dayvid sang.
12 Sayv mi, Oa Jehoava, bikaaz nohmoh laayal peepl noh deh;Aal di faytful peepl dehn disapyaa.
2 Peepl tel eech ada loan lai;Dehn yooz dehn mowt fi sweet taak adaz ahn lai tu dehn.
3 Enibadi weh laik sweet taak adaz, Jehoava wahn kot aaf dehn lip.
An enibadi weh laik boas bowt dehnself, Hihn wahn kot owt dehn tong,
4 Yes, aala dehn wan weh seh: “Wee noa weh fi seh fi geh weh wi waahnt.
Wi wahn yooz wi mowt fi seh wateva wi waahnt;Wee noh ga no maasta.”
5 Jehoava seh, “Dehn chreet dehn wan weh di sofa eena wahn kruwil way,Ahn di poa wan dehn di krai owt fi help,Soh Ah wahn tek akshan ahn sayv dehn.
Ah wahn sayv dehn fahn dehn wan weh chreet dehn wid loan haychrid.”
6 Evriting weh Jehoava seh pyoar;Ih werdz da laik silva weh dehn melt sevn taimz eena wahn klay fernis* fi mek ih bee pyoar pyoar.
7 Oa Jehoava, yu wahn wach oava dehn;Yu wahn protek eech wan a dehn fahn dis wikid jenarayshan fareva.
8 Wikid peepl goh rong di du wateva dehn waahntBikaaz peepl inkorij wikidnis.
Futnoat
^ Si di Glasari, “Sheminit.”
^ Dis ku aalso bee “wahn fernis weh set pahn di grong.” Si di Glasari, “Fernis.”
