Saam 121:1-8
Wahn Sang fi di Jerni Op tu di Siti.
121 Ah luk op tuwaadz di mongtin dehn.
Fahn wehpaat Ah wahn geh help?
2 Ah geh help fahn Jehoava,Di wan weh mek hevn an ert.
3 Hihn wahn neva alow yu fi slip dong.
Di wan weh di gyaad yu wahn neva need fi res.
4 Yes, di wan weh di gyaad IzrelWahn neva need fi res ner goh sleep.
5 Jehoava di protek yu.
Jehoava da di shayd pahn yu rait han said.
6 Di son kyaahn hert yu joorin di day,Ahn di moon kyaahn hert yu joorin di nait.
7 Jehoava wahn protek yu fahn eniting weh ku hert yu.
Hihn wahn protek yu laif.*
8 Jehoava wahn protek yu eena evriting weh yu du,Fahn now aan ahn fi fareva.
Futnoat
^ Er “soal.” Si di Glasari, “Soal.”
