Saam 124:1-8
Wahn Sang fi di Jerni Op tu di Siti. Dis da Dayvid sang.
124 “If Jehoava neva deh wid wi,”Ahn now Izrel fi seh:
2 “If Jehoava neva deh wid wiWen peepl kohn fi atak wi,
3 Ahn wen dehn anga mi-di blayz op gens wi,Den dehn wuda mi swala wi op alaiv.
4 Dehn wuda dischrai wi laik waata,Dehn wuda wash wi* weh laik wahn flod.
5 Laik wahn rof see, dehn wuda mi bee tu moch fi mek wi handl.
6 Prayz Jehoava,Bikaaz ih neva lef wi fi bee viktim tu wi enimi dehn weh da laik sohn wail bees.
7 Wee da laik wahn berd weh get wehFahn wahn chrap weh wahn honta set;Di chrap mi brok,Ahn wi get weh.
8 Wi geh help fahn di wan weh naym Jehoava,Di wan weh mek hevn an ert.”
Futnoat
^ Er “wi soal.” Si di Glasari, “Soal.”