Saam 126:1-6
Wahn Sang fi di Jerni Op tu di Siti.
126 Wen Jehoava bring ih peepl, weh da-mi priznaz, bak da Zaiyan,Wi mi feel laik da mi wahn jreem.
2 Rait den wi kudn stap laaf bikaaz wi mi soh hapi,Wi kudn stap showt wid jai.
Rait den di peepl fahn ada nayshanz mi-di seh tu eech ada:
“Jehoava du amayzin tingz fi dehn.”
3 Jehoava du amayzin tingz fi wee fi chroo,Ahn wi ful op a soh moch jai.
4 Bring bak yu peepl hoo da-mi priznaz, Oa Jehoava,Jos laik how waata kohn bak tu di riva dehn weh jrai op eena di Negeb.*
5 Di peepl dehn weh di krai wail dehn di plaant seedWahn rijais joorin haavis taim.
6 Di persn weh stil goh owt eena di feel wid ih bag a seed, eevn doa ih di kraiWahn kohn bak een wid ih bondlz a grayn di showt wid jai.
Futnoat
^ Er “di wadi dehn eena di sowt.” Si di Glasari, “Wadi.”
