Saam 13:1-6
Dis da fi di dairekta. Dis da Dayvid sang.
13 Oa Jehoava, da how lang yu wahn ferget bowt mi? Fareva?
How lang yu wahn haid yu fays fahn mi?
2 Fi how lang Ah wahn haftu wori,Ahn sayhn taim feel dis sadnis eena mi haat eech day?
How lang mi enimi wahn ga vikchri oava mi?
3 Oa Jehoava mi Gaad, luk pahn mi an ansa mi.
Braitn mi aiy dehn, soh dat Ah noh en op ded,
4 Soh dat mi enimi wahn kyaahn seh: “Ah ga vikchri oava ahn!”
Noh mek mi enimi dehn rijais bikaaz dehn kanka mi.
5 Ah ga chros dat yoo wahn shoa lov* tuwaadz mee;Ahn mi haat wahn rijais bikaaz yoo sayv mi.
6 Ah wahn sing tu yoo Jehoava, bikaaz yu gi mi moa blesinz dan Ah ku konk.
Futnoat
^ Er “laayal lov.” Si di Glasari, “Laayal lov.”