Saam 130:1-8
Wahn Sang fi di Jerni Op tu di Siti.
130 Oa Jehoava, wen Ah feel dong an Ah feel laik no hoap noh deh, Ah kaal owt tu yoo.
2 Oa Jehoava, pleez hyaa mi vais.
Hyaa how Ah di beg yu fi help.
3 Oa Jah,* if yu mi onli luk pahn* wi mistayk dehn,Den hoo ku stan op fronta yoo, Oa Jehoava?
4 Bikaaz yoo chrooli fergiv peepl fi dehn sinz,Dehn si yoo az wahn amayzin Gaad.
5 Ah put mi hoap eena Jehoava, Ah hoap eena ahn wid aala mi haat;Ah put mi hoap eena yu pramis dehn.
6 Ah* eega wail Ah di wayt pahn Jehoava,Jos laik how wahn wachman di wayt fi mek maanin kom.
Yes, Ah moa eega dan wahn wachman weh di wayt fi mek maanin kom.
7 Mek Izrel kip di wayt pahn Jehoava,Bikaaz Jehoava ful op a lov,An ih ga di powa fi sayv.
8 Hihn wahn reskyu Izrel fahn aala dehn mistayk.
Futnoat
^ “Jah” da di shaat way fi seh Jehoava naym.
^ Er “if yu kip chrak a.”
^ Er “Mi soal.” Si di Glasari, “Soal.”
