Saam 132:1-18
Wahn Sang fi di Jerni Op tu di Siti.
132 Oa Jehoava, pleez noh ferget DayvidAn aala ih sofarin weh ih gaahn chroo.
2 Noh ferget how ih mi mek wahn pramis tu yoo, Jehoava,How hihn mi mek dis vow tu Jaykob powaful Gaad:
3 “Ah noh wahn goh eena mi hows;Ah noh wahn lidong eena mi bed;
4 Ah noh wahn kloaz mi aiy;Ah noh wahn alow miself fi jrap asleep
5 Til Ah fain wahn plays fi Jehoava Aak,*Wahn byootiful plays* fi Jaykob powaful Gaad.”
6 Eena Efrata wi mi hyaa bowt it,*Ahn wi mi fain it eena di faris.
7 Mek wi goh da ih hows,*Ahn mek wi bow dong da ih futstool.
8 Oa Jehoava, get op ahn kohn tu wehpaat yu hows deh,Kohn lang wid di Aak weh yu yooz fi shoa yu schrent.
9 Mek yu prees dehn jres op eena raichosnis,Ahn mek dehn wan weh laayal tu yoo showt wid jai.
10 Bikaaz a di pramis weh yu mi mek tu yu servant Dayvid,Noh rijek yu anointid wan.
11 Jehoava mi mek wahn pramis tu Dayvid;Hihn wahn kip dis pramis weh ih mi tel ahn:
“Ai wahn mek wan a yu disendant dehn sidong pahn yu chroan.
12 If yu son dehn kip mi kovenant*An obay di rimaindaz weh Ah gi dehn,Den fi dehn son dehn wahn aalsoSidong pahn yu chroan fareva.”
13 Jehoava mi pik Zaiyan;Ahn bikaaz dat da wehpaat hihn waahn liv, hihn seh:
14 “Dis da wehpaat mai hows wahn deh fareva;Ah wahn liv ya bikaaz dis da weh Ai waahnt.
15 Ah wahn bles di siti wid lata food;Ah wahn gi bred tu di poa peepl weh dehdeh, ahn dehn wahn feel satisfai.
16 Ah wahn jres op di prees dehn eena salvayshan,Ahn dehn wan weh laayal wahn showt wid jai.
17 Ah wahn mek Dayvid groa schranga eena dis siti.
Ah don set op wahn lamp* fi mi anointid wan.
18 Ah wahn kova ih enimi dehn wid shaym,Bot fi hihn roolaship wahn praspa.”
Futnoat
^ Si di Glasari, “Aak a di kovenant.”
^ Er “Wahn grayt tabernakl.” Si di Glasari, “Tabernakl.”
^ Ih seemz dat dis di rifaa tu di Aak.
^ Er “fi hihn grayt tabernakl.”
^ Si di Glasari, “Kovenant.”
^ Ih pasabl dat dis di rifaa tu wahn disendant.
