Saam 135:1-21
135 Prayz Jah!*
Prayz Jehoava naym;Aala Jehoava servants, unu prayz ahn,
2 Unu weh di serv eena Jehoava hows,An eena di koatyaad da Gaad hows,Unu prayz ahn.
3 Prayz Jah, bikaaz Jehoava gud.
Sing* fi prayz ih naym, bikaaz ih gud.
4 Jah pik Jaykob fi ihself,An ih pik Izrel fi bee ih speshal peepl.
5 Ah noa fi shoar dat Jehoava grayt;Fi wee Laad grayta dan aala di ada gaad dehn.
6 Jehoava du evriting weh hihn dizaiya fi duEena hevn, pahn ert, eena di see dehn,An eevn eena di deepis paat a di see.
7 Hihn mek di klowd* dehn rayz op tu di skai fahn di en a di ert;Hihn mek laitnin fi di rayn;Hihn let goh di breez fahn owta ih stoarhows dehn.
8 Hihn kil di fersbaan dehn fahn Eejip,Fahn monks di peepl dehn ahn di animal dehn.
9 Oa Eejip, hihn sen sainz ahn miraklz monks unu,Gens Fayro* an aala ih servant dehn.
10 Hihn dischrai lata nayshanz,An ih mi kil kingz weh maiti.
11 Hihn mi kil Saihon, di Amorait dehn king,Og, di king oava Bayshan,An ih mi dischrai aala di kingdom dehn fahn Kaynan.
12 Hihn gi fi dehn lan tu fi hihn peepl, di Izrelaits;Hihn giv it tu dehn az wahn inheritans.
13 Oa Jehoava, yu naym laas fareva.
Oa Jehoava, evri jenarayshan wahn noa bowt aala di tingz weh yu du.*
14 Bikaaz Jehoava wahn stan op fi* ih peepl,Ahn hihn wahn feel kompashan* fi ih servant dehn.
15 Di nayshan dehn aidolz mek owta silva ahn goal,Ahn da hyoomanz mek dehn.
16 Dehn ga mowt, bot dehn kyaahn taak;Dehn ga aiy, bot dehn kyaahn si notn;
17 Dehn ga ayz, bot dehn kyaahn hyaa notn.
Dehn noh ga no bret di kom owta dehn mowt.
18 Di peepl weh mek dehn wahn en op jos laik dehn,Ahn di sayhn ting wahn hapm tu enibadi weh put dehn chros eena dehn.
19 Aala Izrel, unu prayz Jehoava.
Aala Ayron disendant dehn, unu prayz Jehoava.
20 Aala Leevai disendant dehn, unu prayz Jehoava.
Unu weh rispek Jehoava, prayz Jehoava.
21 Mek Jehoava, di wan weh liv da JeroosalemGeh prayz fahn Zaiyan.
Prayz Jah!
Futnoat
^ Er “Halelooya!” “Jah” da di shaat way fi seh Jehoava naym.
^ Er “Mek myoozik.”
^ Er “vaypa.”
^ Si di Glasari, “Fayro.”
^ Er “noa bowt yu naym.”
^ Er “difen.”
^ Er “feel sari.”
