Saam 137:1-9
137 Wi mi sidong bai di riva dehn da Babilan.
Wi baal ahn baal wen wi tink bowt Zaiyan.
2 Wi heng wi haap dehn pahn di poplar* chree dehn eena Babilan.
3 Di peepl weh tek wi az dehn prizna aks wi fi sing fi dehn,Dehn wan weh mek fon a wi waahn wi entatayn dehn;Dehn seh: “Unu sing sohn sang bowt Zaiyan.”
4 Da how wi ku sing wahn sang fi prayz Jehoava eena wahn farin lan?
5 If Ah ferget bowt yoo, Oa Jeroosalem,Mek mi rait han geh yoosles.*
6 If Ah noh memba yu,If Ah noh si Jeroosalem az mi graytis jai,Den mek mi tong stik tu di roof a mi mowt.
7 Oa Jehoava, pleez noh ferget weh di Eedomait dehn mi sehPahn di day Jeroosalem geh kanka:
“Bring it dong! Bring it dong tu di grong!”
8 Oa daata a Babilan, yu wahn soon geh dischrai;Di wan weh wahn rof yoo op di saym way how yu mi rof wee op wahn bee hapi.
9 Di wan weh tek weh yu pikniAhn mash dehn gens di rak dehn wahn bee hapi.
Futnoat
^ Di Heebroo werd di rifaa tu wahn chree weh groa kloas tu di riva dehn da di Midl Ees.
^ Dis ku aalso bee “Mek mi rait han jrai op.”