Saam 139:1-24
Dis da fi di dairekta. Dis da Dayvid sang.
139 Oa Jehoava, yu luk deep eena mi haat, ahn yu noa mi.
2 Yu noa wen Ah sidong ahn wen Ah get op.
Eevn doa yu deh faar, yu noa weh Ah di tink bowt.
3 Yu si wen Ah chravl ahn wen Ah lidong;Yu noa evriting weh Ah du.
4 Oa Jehoava, yu don noa weh Ah wahn sehBifoa Ah ku eevn seh it.
5 Yu protek mi fahn aal saidz;Ahn yu gaid mi.
6 Yu noa mi soh gud,An Ah kyaahn eevn bigin fi andastan how dat pasabl.
7 Dehn ga eni plays wehpaat Ah ku goh fi ron weh fahn yu hoali spirit?
Dehn ga eni plays weh Ah ku haid weh yoo wahn kyaahn si mi?
8 If Ai goh op da hevn, yoo wuda dehdeh,An if Ai lidong eena di Grayv,* yoo wuda dehdeh tu.
9 If Ah wuda flai kraas di skai az faas az how lait apyaa erli da maaninFi goh liv bai wahn see weh deh faar fahn ya,
10 Yu wuda stil hoal mi wid yu rait han ahn gaid mi.
11 If Ah seh: “Fi shoar di daaknis wahn haid mi!”
Den tu yoo, di daaknis weh di sorong mi wahn bee laik lait.
12 Di daaknis noh tu daak fi yoo,No, nait taim az brait az joorin di day;Ih noh mek no difrens tu yoo weda ih daak er ih brait.
13 Yoo mi mek mi kidni dehn;Yoo mi shelta mi eena mi ma woom.
14 Oa Gaad, yoo soh amayzin bikaaz yu mek mi eena wahn wandaful way ahn dat mek Ah waahn prayz yu.
Evriting weh yoo du wandaful,Ah* wel ahn noa dis.
15 Wen Ah mi-di groa eena mi ma woom,Eena di plays wehpaat nobadi ku si mi,Yoo kuda mi si eevn mi boan dehn.
16 Yu aiy dehn si mi eevn wen Ah da-mi wahn embriyo;Yu ga aal di difrent paats rait dong eena yu buk,Yoo noa di day wen dehn mi staat tu faam,Eevn bifoa eni a dehn mi egzis.
17 Soh dat da wai di tingz weh yoo tink bowt preshos tu mee!
Oa Gaad, yu nalij soh grayt!
18 If Ah chrai konk dehn, dehn wuda bee moa dan aala di graynz a san.
Wen Ah wayk op, Ah stil deh wid yoo.*
19 Oa Gaad, if onli yu wuda kil di wikid peepl dehn!
Den peepl weh vailent* wahn disapyaa fahn rong mi,
20 Dehn wan weh seh bad tingz bowt yu wid eevl intenshanz wahn disapyaa;Dehn da yu enimi, ahn dehn yooz yu naym eena wahn rang way.
21 Ah hayt aal dehn wan weh hayt yoo, Oa Jehoava,An Ah hayt dehn wan weh goh gens yoo.
22 Ah noh feel notn bot haychrid tuwaadz dehn;Now dehn da mi enimiz.
23 Oa Gaad, luk deep eena mi haat,Luk deep dong ahn noa aal di tingz weh Ah di wori bowt.
24 Chek ahn si if Ah di goh dong wahn daynjaros road,Ahn kehr mi dong di road weh laas fareva.
Futnoat
^ Er “Sheeyol,” weh da di Grayv. Si di Glasari, “Grayv.”
^ Er “Mi soal.” Si di Glasari, “Soal.”
^ Dis ku aalso bee “Ah wuda stil di konk dehn.”
^ Er “blodgilti.”
