Saam 140:1-13
Dis da fi di dairekta. Dis da Dayvid sang.
140 Oa Jehoava, sayv mi fahn wikid peepl;Protek mi fahn peepl weh vailent,
2 Fahn peepl weh plan op wikid tingz eena dehn haatAhn weh spen di hoal day di luk fi staat wahn big fait.
3 Dehn tong shaap jos laik wahn snayk wan;Di paizn fahn wahn vaipa deh eena dehn mowt. (Seela)
4 Oa Jehoava, sayv mi fahn di wikid wan dehn weh di hoal aan tait tu mi;Protek mi fahn peepl weh vailent,Peepl weh di mek planz fi chrip mi dong.
5 Dehn wan weh prowd haid wahn chrap fi kech mi;Dehn yooz roap fi spred owt wahn net bai di roadsaid.
Dehn set sohn chrap fi kech mi. (Seela)
6 Ah tel Jehoava: “Yoo da mai Gaad.
Pleez lisn tu mi, Oa Jehoava, wen Ah di krai owt tu yu fi help.”
7 Oa Jehoava, di Moas Hai Laad, mai maiti Sayvya,Yoo protek mi hed wen da taim fi waar.
8 Oa Jehoava, noh gi wikid peepl notn weh dehn waahnt.
Ahn soh dat dehn noh geh prowd, noh mek non a dehn planz ton owt gud. (Seela)
9 Mek di bad tingz weh mi enimi dehn sehKohn rait bak pahn dehn oan hed.
10 Mek hat faiya koal rayn dong pahn dehn.
Chroa dehn eena di faiya,Chroa dehn eena sohn deep pit* fi mek dehn neva get op agen.
11 Noh mek dehn wan weh laik slanda adaz ga eniway fi liv pahn di ert.*
Mek chrobl chays dong vailent peepl ahn kil dehn.
12 Ah noa dat Jehoava wahn fait fi di peepl dehn weh homblAhn gi jostis tu di peepl dehn weh poa.
13 Ah noa fi shoar dat di raichos wan dehn wahn prayz yu naym;Di raichos wan dehn wahn aalwayz bee kloas tu yu.
