Saam 142:1-7

  • Wahn pryaa tu Gaad fi mek ih protek ih servant fahn persikyooshan

    • “Ah noh ga no way fi ron tu” (4)

    • “Yoo da aal weh Ah gat” (5)

Maskil.* Dayvid mi seh dis pryaa wen ih mi deh eena di kayv. 142  Oa Jehoava, Ah yooz mi vais fi kaal owt tu yoo fi help;Oa Jehoava, Ah yooz mi vais fi bayg yu fi ga mersi pahn mi.  2  Ah tel yu bowt aala mi woriz;Ah tel yu bowt aala mi chroblz.  3  Ah goh tu yoo wen Ah noh ga nohmoh schrent. Den yu wach wehpaat Ah di goh. Mi enimi dehn haid wahn chrap pahn di road weh Ah di waak pan fi chrai kech mi.  4  Luk bisaid mi,Nobadi kay bowt mi. Ah noh ga no way fi ron tu;Nat wan persn kay bowt mi.*  5  Oa Jehoava, Ah kaal owt tu yoo fi help. Ah seh: “Yoo da mai shelta,Yoo da aal weh Ah gat eena dis werl.”  6  Pleez pay atenshan tu how Ah di krai owt tu yu fi help,Bikaaz Ah deh eena lata chrobl. Reskyu mi fahn dehn wan weh di persikyoot mi,Bikaaz dehn schranga dan mi.  7  Tek mi* owta dis plays weh da laik wahn priznSoh dat Ah ku prayz yu naym. Ahn mek raichos peepl sorong miSayka weh yu chreet mi soh kain.

Futnoat

^ Si di Glasari, “Maskil.”
^ Er “mi soal.” Si di Glasari, “Soal.”
^ Er “mi soal.”
DI HOALI BAIBL—NYOO WERL CHRANSLAYSHAN
Saamz 142
Bileez Kriol
Reed di Baibl Onlain
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt