Saam 143:1-12
Dis da Dayvid sang.
143 Oa Jehoava, pleez hyaa mi pryaa;Lisn tu mi wen Ah di kaal owt tu yu fi help.
Ansa mi, bikaaz yoo faytful ahn raichos.
2 Pleez noh joj mee, yu servant,Bikaaz tu yoo, nobadi inosent.
3 Mi enimi chays afta mi;*Ih beet mi intu di grong.
Bikaaz a hihn, Ah di liv eena daaknis laik dehn wan weh ded fahn lang taim.
4 Ah di geh week.
An eensaid, mi haat nom nom.
5 Ah rimemba di tingz weh mi hapm eena di paas;Ah meditayt pahn evriting weh yu du;Yes, Ah eega fi tink bowt* di tingz weh yu du.
6 Ah schrech owt mi han tu yoo ahn pray;Jos laik how wahn lan weh jrai op tersti fi rayn, Ai* tersti fi yoo.
7 Oa Jehoava, pleez hori ansa mi;Ah ron owta schrent.
Pleez noh haid yu fays fahn mi,Er els Ah wahn bee jos laik dehn wan weh di goh dong eena di pit.*
8 Pleez mek Ah si yu lov* eena di maanin,Bikaaz Ah chros eena yu.
Ah luk tu yoo,Soh shoa mi di way Ah shuda goh.
9 Oa Jehoava, reskyu mi fahn mi enimi dehn.
Ah waahn yu protek mi.
10 Teech mi fi du weh yoo waahn Ah du,Bikaaz yoo da mai Gaad.
Yoo da wahn gud Gaad;Ah hoap yu yooz yu spirit fi gaid mi pahn levl grong.*
11 Sayv mi, Oa Jehoava, fi di sayk a yu naym.
Bikaaz yoo raichos, sayv mi* fahn mi chroblz.
12 Dischrai* mi enimi dehn, Oa Gaad, bikaaz yoo lov mi.*
Dischrai aala dehn wan weh di haras mi,*Bikaaz Ai da yu servant.
Futnoat
^ Er “mi soal.” Si di Glasari, “Soal.”
^ Er “stodi.”
^ Er “mi soal.”
^ Er “grayv.”
^ Er “laayal lov.” Si di Glasari, “Laayal lov.”
^ Er “pahn wahn raichos road.”
^ Er “mi soal.”
^ Lit., “Sailens.”
^ Er “bikaaz a yu laayal lov.”
^ Er “mi soal.”
