Saam 146:1-10
146 Prayz Jah!*
Ah wahn prayz Jehoava wid mi hoal haat.*
2 Ah wahn prayz Jehoava fi aala mi laif.
Fi az lang az Ah liv, Ah wahn sing fi prayz* mi Gaad.
3 Noh put yu chros eena hai ofishalz*Ner eena enibadi els, bikaaz dehn kyaahn sayv yu.
4 Afta wahn persn tek ih laas bret, ih goh bak tu di grong;Ahn da sayhn day deh, ih noh memba notn.
5 Wahn persn wahn bee hapi wen Jaykob Gaad da di wan weh di help ahn,An wen ih put ih hoap eena ih Gaad Jehoava.
6 Hihn da di wan weh mek hevn ahn di ert, di see, an evriting weh deh eena dehn,Ahn hihn da di wan weh aalwayz stay laayal.
7 Hihn da di wan weh mek shoar fi gi jostis tu dehn wan weh peepl cheet op,Di wan weh gi food tu dehn wan weh hongri.
Jehoava di let owt di prizna dehn.*
8 Jehoava di mek di persn weh blain si;Jehoava di pik op aala di wan dehn weh ga lata prablemz weh di way dehn dong;Jehoava lov raichos peepl.
9 Jehoava di protek di farina dehn;Hihn tek kayr a di wido an ih tek kayr a pikni weh noh ga no pa,Bot hihn mes op di planz weh wikid peepl mek.
10 Jehoava wahn bee King fareva;Oa Zaiyan, hihn wahn bee yu Gaad chroo evri jenarayshan.
Prayz Jah!*
Futnoat
^ Er “Halelooya!” “Jah” da di shaat way fi seh Jehoava naym.
^ Er “soal.” Si di Glasari, “Soal.”
^ Er “mek myoozik fi.”
^ Er “di prins dehn.”
^ Er “dehn wan weh geh chayn op.”
^ Er “Halelooya!” “Jah” da di shaat way fi seh Jehoava naym.
