Saam 16:1-11
Dis da wahn Miktam* weh Dayvid rait.
16 Oa Gaad, pleez protek mi, bikaaz Ah kohn tu yoo fi shelta.
2 Ah tel Jehoava: “Yoo da Jehoava, evriting gud kohn fahn yoo.
3 Ahn di hoali wan dehn pahn di ert,Yes, di wan dehn weh dizerv aana, mek Ah feel soh hapi.”
4 Dehn wan weh wership ada gaadz onli ad moa prablemz tu dehnself.
Ai wahn neva tek paat wid dehn wan weh aafa op blod az wahn jrink aafrin,Ahn fi dehn naym wahn neva kom owta mi mowt.
5 Jehoava da evriting weh Ah need, hihn da mi shayr ahn mi kop.
Hihn kip mi inheritans sayf.
6 Ah hapi wid weh hihn chooz fi gi mi az wahn inheritans.
Yes, Ah satisfai wid mi inheritans.
7 Ah wahn prayz Jehoava, di wan weh gi mi advais.
Eevn joorin di nait, di feelinz weh deh deep eensaida mi* karek mi.
8 Ah aalwayz di tink bowt Jehoava.
Notn wahn eva shayk mi, bikaaz hihn deh da mi rait han said.
9 Soh mi haat hapi, di hoal a mi* ful op a jai.
Ah noh haftu liv eena fyaa, bikaaz Ah sayf.
10 Yu noh wahn lef mi eena di Grayv.*
Yu noh wahn alow yu laayal wan fi ratn weh eena di pit.
11 Yoo shoa mi di road weh leed tu laif.
Ah feel soh hapi wen Ah deh wid yu;Enibadi weh deh da yu rait han said wahn bee hapi fareva.
Futnoat
^ Si di Glasari, “Miktam.”
^ Lit., “mi kidni dehn.”
^ Lit., “mi gloari.”
^ Er “Sheeyol,” weh da di Grayv. Si di Glasari, “Grayv.”
