Saam 2:1-12
2 Wai di nayshan dehn noh ga no aada monks dehnself?
Ahn wai di peepl dehn tink bowt loan yoosles tingz?
2 Di king dehn a di ert lang wid di hai ofishal dehn gyada tugeda,*Ahn dehn stan op gens Jehoava ahn gens fi hihn anointid wan.*
3 Dehn seh: “Mek wi bos di chayn weh dehn yooz fi tai wi op,Ahn mek wi dash weh di roap weh dehn yooz fi tai wi op!”
4 Jehoava, hoo di sidong pan ih chroan da hevn, wahn laaf aata dehn,Ahn hihn wahn mek fon a dehn.
5 Ahn den hihn wahn taak tu dehn wail ih beks,Ahn sayka weh ih soh beks, dehn wahn geh frayd bad.
6 Ahn hihn wahn tel dehn: “Ah don pik mai oan king weh di rool da Zaiyan,Weh da mai hoali mongtin.”
7 Ah wahn anonks weh Jehoava don disaid.
Hihn tel mi: “Yoo da mai son,Ahn fahn ya goh bak, Ai da yu pa.
8 If yu aks mi fi gi yu di nayshan dehn az yu inheritans,Ah wahn gi dehn tu yu,Ahn di hoal ert wahn bilangz tu yoo.
9 Yu wahn dischrai di nayshan dehn wid wahn aiyan rad,Ahn yu wahn brok dehn op laik if dehn da wahn klay pat.”
10 Soh unu weh da king, shoa dat unu ga andastandin;An unu weh di joj di ert, aksep karekshan.*
11 Serv Jehoava wid lata rispek;Bee hapi bikaaz hihn soh amayzin.
12 Aana* di son, er els Gaad* wahn geh beks bad,An unu wahn geh dischrai,*Bikaaz hihn ku geh beks faas.
Enibadi weh goh tu hihn fi protekshan wahn bee hapi.
Futnoat
^ Er “kohn tugeda fi plan wikid tingz.”
^ Er “fi hihn Krais.”
^ Er “lisn tu di waanin.”
^ Lit., “Kis.”
^ Lit., “hihn.”
^ Lit., “unu wahn geh dischrai fahn di way.”
