Saam 20:1-9
-
Gaad sayv di king weh ih anoint
-
Som pen pahn chariyat ahn pahn haas, ‘bot wee kaal pahn Jehoava naym’ (7)
-
Dis da fi di dairekta. Dis da Dayvid sang.
20 Ah hoap Jehoava ansa yu pahn di day yu di sofa.
Mek Jaykob Gaad protek yu wen yu kaal pahn fi hihn naym.
2 Ah hoap hihn sen help fi yu fan ih hoali playsAhn sopoat yu fahn Zaiyan.
3 Ah hoap hihn memba aala di gif aafrin weh yu mek;Ahn mek hihn aksep yu bon aafrin* wid jai.* (Seela)
4 Ah hoap ih gi yu aal weh yu haat dizaiyaAhn mek aala yu planz ga sokses.
5 Wi wahn rijais bikaaz yu sayv wi;Wi wahn rayz op wi vikchri sain eena di naym a wi Gaad.
Ah hoap Jehoava giv unu evriting weh unu aks fa.
6 Now Ah noa fi shoar dat Jehoava wahn sayv di wan weh hihn anoint.*
Fahn fi hihn hevn weh hoali, hihn ansa ahn;Ih sayv ahn wid ih powaful rait han.
7 Som pen pahn dehn chariyat ahn som pen pahn dehn haas dehn,Bot wee kaal pahn di naym a wi Gaad, Jehoava.
8 Dehn faal dong sodn-wan ahn kyaahn get bak op,Bot wee get bak op ahn geh bak wi schrent.
9 Oa Jehoava, sayv di king!
Hihn wahn ansa wi pahn di day wen wi kaal pan ahn fi help.
Futnoat
^ Si di Glasari, “Bon aafrin.”
^ Lit., “kansida yu bon aafrin az fat.”
^ Si di Glasari, “Anoint.”
