Saam 23:1-6
Dis da Dayvid sang.
23 Jehoava da mai Shepad.
Ah ga evriting weh Ah need.
2 Hihn mek Ah lidong pahn sohn green green paascha;Hihn leed mi tu wahn schreem a waata fi mek Ah res.*
3 Hihn rifresh mi.*
Hihn leed mi pahn di rait road fi aana fi hihn naym.
4 Eevn doa Ah mi waak eena di vali weh pich blak,Ah noh frayd fi notn,Bikaaz yoo deh wid mi;Di rad weh yu yooz fi gaid mi mek Ah feel sayf.*
5 Yu set op wahn taybl fi mi fronta mi enimi dehn.
Yu put ail pahn mi hed fi rifresh mi;Mai kop ful op.
6 Ah noa fi shoar dat gudnis ahn lov* wahn deh wid mi fi di res a mi laif,An Ah wahn liv eena Jehoava hows fi di res a mi laif.
Futnoat
^ Dis ku aalso bee “tu waata weh kaam.”
^ Er “mi soal.” Si di Glasari, “Soal.”
^ Er “komfert mi.”
^ Er “laayal lov.” Si di Glasari, “Laayal lov.”
