Saam 24:1-10
-
Di anarabl King kom een chroo di gayt
-
‘Di ert bilangz tu Jehoava’ (1)
-
Dis da Dayvid sang.
24 Di ert an evriting eena it bilangz tu Jehoava,Di lan ahn di peepl weh liv pan it bilangz tu hihn.
2 Hihn set op di ert pahn di see dehnAhn giv it wahn sikyoar plays pahn di riva dehn.
3 Hoo ku goh op tu Jehoava mongtin,Ahn hoo ku stan op eena fi hihn hoali plays?
4 Enibadi weh inosent ahn ga wahn pyoar haat,Enibadi weh noh lai wen dehn di swayr eena Mai naym,*Enibadi weh mek wahn pramis ahn kip it.
5 Hihn wahn geh blesinz fahn JehoavaAn ih Gaad weh sayv ahn wahn kansida ahn az wahn raichos persn.
6 Dis da weh di jenarayshan weh di saach fi hihn stan laik.
Oa Gaad a Jaykob, dehnya da di sayhn peepl weh waahn serv yoo. (Seela)
7 Di gayt dehn fi stan op taal;Di aynshent enchrans dehn fi oapm op,Soh dat di anarabl King ku kom een!
8 Hoo da dis anarabl King?
Jehoava, hoo schrang ahn maiti,Jehoava, hoo da wahn maiti Wariya.
9 Di gayt dehn fi stan op taal;Di aynshent enchrans dehn fi oapm op,Soh dat di anarabl King ku kom een!
10 Hoo da dis anarabl King?
Jehoava di Komanda a di hevnli aamiz da di anarabl King. (Seela)
Futnoat
^ Er “pahn Mai laif.” Dis di rifaa tu wen wahn persn swayr pahn Jehoava laif.
