Saam 25:1-22
Dis da Dayvid sang.
א [Aleph]*
25 Ai goh tu yoo, Oa Jehoava.
ב [Beth]
2 Ai put mi chros eena yoo, mai Gaad;Pleez noh mek Ah luk shaym.
Noh mek mi enimi dehn rijais oava mi sofarin.
ג [Gimel]
3 Fi shoar, dehn wan weh hoap eena yoo noh wahn geh shaym,Bot dehn wan weh bichray adaz wahn geh shaym.
ד [Daleth]
4 Oa Jehoava, shoa mi di way Ai fi goh;Teech mi how yu waahn Ai liv.
ה [He]
5 Help mee fi liv eena di rait way ahn teech mi,Bikaaz yoo da mai Gaad, mai sayvya.
ו [Waw]
Ai hoap eena yu aal di taim.
ז [Zayin]
6 Oa Jehoava, rimemba dat yoo da wahn mersiful GaadAhn dat yu aalwayz shoa lov* tu yu peepl.*
ח [Heth]
7 Noh rimemba di sin dehn weh Ah mi komit wen Ah mi yong ahn di mistayk dehn weh Ah mek.
Rimemba mi bikaaz a yu lov,*Ahn rimemba mi bikaaz a yu gudnis, Oa Jehoava.
ט [Teth]
8 Jehoava gud, an ih du weh rait.
Dat da wai ih shoa sinaz di rait way fi liv.
י [Yod]
9 Hihn wahn help di hombl wan dehn fi du weh rait,Ahn hihn wahn teech dehn wan weh hombl di way how hihn waahn dehn liv.
כ [Kaph]
10 Jehoava aalwayz laayal ahn shoa lov* tu dehn wan weh kip ih kovenant* an obay ih rimainda dehn.
ל [Lamed]
11 Oa Jehoava, fi di sayk a yu naym,Fergiv mi fi mi mistayk, eevn doa ih mi seeryos.
מ [Mem]
12 Hoo ga rispek fi* Jehoava?
Hihn wahn teech ahn di way ih shuda goh.
נ [Nun]
13 Ih wahn injai di tingz weh gud,An ih disendant dehn wahn ful op di hoal ert.
ס [Samekh]
14 Jehoava wahn onli bee kloas frenz wid dehn wan weh rispek* ahn,Ahn hihn mek dehn noa bowt ih kovenant.
ע [Ayin]
15 Mi aiy dehn aalwayz luk tu Jehoava fi help,Bikaaz hihn wahn tek mi fut fahn owta di chrap.
פ [Pe]
16 Shoa mi kompashan ahn ga mersi pahn mi,Bikaaz Ah deh bai miself wid nobadi fi help mi.
צ [Tsade]
17 Di woriz eena mi haat di groa moa ahn moa;Free mi fahn mi sofarin.
ר [Resh]
18 Noatis mi payn ahn sofarin,Ahn fergiv mi fi aala mi sin dehn.
19 Si humoch enimiz Ah gatAhn how dehn hayt mi soh moch dat dehn waahn hert mi.
ש [Shin]
20 Protek mi laif ahn sayv mi.
Noh mek Ah luk shaym, bikaaz Ai goh tu yoo fi tek shelta.
ת [Taw]
21 Mek mi laayalti ahn mi dizaiya fi du weh rait protek mi,Bikaaz mai hoap deh eena yoo.
22 Oa Gaad, sayv Izrel fahn aala ih sofarin.
Futnoat
^ Dis da di fers leta a di Heebroo alfabet. Si di Glasari, “Akrostik stail.”
^ Er “Ahn dat fahn aynshent taimz yu aalwayz shoa lov tu yu peepl.”
^ Er “laayal lov.” Si di Glasari, “Laayal lov.”
^ Er “laayal lov.”
^ Si di Glasari, “Kovenant.”
^ Er “laayal lov.”
^ Er “Hoo fyaa.”
^ Lit., “fyaa.”
