Saam 26:1-12
Dis da Dayvid sang.
26 Oa Jehoava, joj mi, bikaaz aal mi laif Ah laayal tu yoo;Ah put mi chros eena yoo, Oa Jehoava; notn wahn eva shayk mi.
2 Oa Jehoava, egzamin mi ahn tes mi owt;Mek mi haat ahn mi feelinz weh deh deep eensaida mi* bee pyoar.
3 Ah aalwayz di tink bowt yu lov,*An Ah wahn liv eena di way weh yoo seh rait.
4 Ah noh spen taim* wid peepl weh laiyad,An Ah noh ga notn fi du wid peepl weh too-fays.*
5 Ah hayt deh rong peepl weh du tingz weh wikid,An Ah rifyooz fi spen taim* wid dehn.
6 Ah wahn wash mi han fi shoa dat Ah inosent,An Ah wahn maach rong yu alta, Oa Jehoava,
7 Fi mek evribadi hyaa how tankful Ah tankfulAhn fi mek evribadi noa bowt aala di wandaful tingz weh yu du.
8 Jehoava, Ah lov di hows wehpaat yu liv;Yu hows ful op a yu gloari.
9 Noh sweep mi weh lang wid di sina dehnAhn noh lef mi fi ded wid peepl weh vailent,*
10 Weh du wikid ahn doti tingz,Ahn weh lov fi tek braib.*
11 Bot Ai wahn stay laayal tu yoo aal mi laif.
Sayv mi ahn shoa mi mersi.
12 Mi fut deh pahn levl grong;Ah wahn prayz Jehoava eena di big kangrigayshan.*
Futnoat
^ Lit., “mi kidni dehn.”
^ Er “laayal lov.” Si di Glasari, “Laayal lov.”
^ Lit., “sidong.”
^ Er “weh da hipokrit.”
^ Lit., “sidong.”
^ Er “peepl weh shed blod.”
^ Er “fi braib adaz.”
^ Si di Glasari, “Kangrigayshan.”