Saam 27:1-14
Dis da Dayvid sang.
27 Jehoava da mai lait ahn mai sayvya.
Soh wai Ai shuda frayd fi enibadi?
Jehoava da laik wahn sayf siti weh protek mi.
Soh wai Ai shuda frayd fi enibadi?
2 Wen wikid peepl kohn fi atak mi fi dischrai mi,Mi enimi dehn da di wan weh chrip ahn jrap dong.
3 Eevn if wahn aami shuda set op kyamp fi fait gens mi,Ah noh wahn feel frayd.
Eevn if wahn waar shuda brok owt,Ah wahn kantinyu fi ga kanfidens eena mai Gaad.
4 Onli wan ting Ah mi aks Jehoava fa—Dis da weh Ai dizaiya—Fi mek Ah liv eena Jehoava hows fi di res a mi laif,Fi wach pahn how gud Jehoava gudAhn fi luk pan ih templ wid apreeshiayshan.
5 Pahn di day a di dizaasta, hihn wahn haid mi eena ih shelta;Hihn wahn haid mi eena di seekrit plays eena ih tent;Hihn put mi pahn wahn hai rak fi kip mi sayf.
6 Now Ah di hoal mi hed op hai oava mi enimi dehn weh di sorong mi;Ah wahn showt wen Ah aafa sakrifais da ih tent sayka weh Ah soh hapi;Ah wahn sing prayz tu* Jehoava.
7 Wen Ah krai owt tu yoo Jehoava, hyaa mi;Shoa mi mersi an ansa mi.
8 Eena mi haat, Ah memba weh yu seh:
“Saach fi mi.”*
Yes, Oa Jehoava, Ai wahn saach fi yu.*
9 Pleez noh ignoar mi.
Noh geh beks ahn ton yu bak pahn yu servant.
Yoo da di wan weh help mi;Noh abandan mi er lef mi bai miself, mi Gaad ahn mi sayvya.
10 Eevn if mi oan ma ahn pa abandan mi,Jehoava wahn deh rait deh fi tek kayr a mi.
11 Oa Jehoava, teech mi how yu waahn Ah liv,Gaid mi pahn di rait road ahn sayv mi fahn mi enimiz.
12 Noh han mi oava tu mi enimiz,Bikaaz dehn ga peepl weh di kohn gens mi fi tel loan lai bowt mi,Ahn dehn chretn fi hert mi.
13 Weh wuda hapm tu mi if Ah neva ga faytDat Ah mi wahn si Jehoava gudnis wail Ah stil alaiv?*
14 Hoap eena Jehoava;Ga korij ahn bee schrang.*
Yes, hoap eena Jehoava.
Futnoat
^ Er “mek myoozik fi.”
^ Lit., “Saach fi mi fays.”
^ Lit., “saach fi yu fays.”
^ Dis ku aalso bee “Fi shoar Ah ga fayt dat Ah wahn si Jehoava gudnis wail Ah stil alaiv.”
^ Er “ahn mek yu haat bee schrang.”
