Saam 29:1-11
Dis da Dayvid sang
29 Prayz Jehoava, unu maiti wan,Yes, gi Jehoava di prayz weh hihn dizerv bikaaz a ih gloari ahn schrent.
2 Gi Jehoava di prayz weh ih naym dizerv.
Wership* Jehoava wail yu wayr yu speshal kloaz weh hoali.*
3 Yu ku hyaa Jehoava vais oava di klowd dehn;Di vais a di wandaful Gaad lowd az tonda.
Jehoava vais deh oava di tik klowd dehn.
4 Jehoava vais powaful;Jehoava vais wandaful.
5 Jehoava vais brok op di seeda chree dehn;Yes, Jehoava brok op di seeda chree dehn da Lebanon tu peesiz.
6 Hihn mek di mongtin dehn da Lebanon jomp ahn skip laik wahn kyaaf,Ahn mek Mongt Siriyon jomp ahn skip laik wahn yong wail bul.
7 Jehoava vais mek laitnin flash;
8 Jehoava vais mek di wildanes* chrimbl,Jehoava mek di wildanes da Kaydesh chrimbl.
9 Jehoava vais mek di dyaa chrimbl ahn goh eena layba;Ih vais klayr owt di faris.
Ahn evribadi eena fi hihn templ seh: “Gi Gaad gloari!”
10 Jehoava sidong pahn ih chroan oava di flod waata;Yes, Jehoava wahn sidong pahn ih chroan az King fareva.
11 Jehoava wahn giv ih peepl dehn schrent,Jehoava wahn bles ih peepl dehn wid pees.
Futnoat
^ Er “Bow dong tu.”
^ Dis ku aalso bee “bikaaz hihn soh wandaful ahn hoali.”
^ Si di Glasari, “Wildanes.”
