Saam 32:1-11
Dis da Dayvid sang. Maskil.*
32 Wahn persn wahn bee hapi wen Gaad fergiv ahn fi di rang weh ih du, wen Gaad kova oava* ih sin.
2 Wahn persn wahn bee hapi wen Jehoava noh fain ahn gilti;Ih wahn bee hapi wen ih noh laiyad.
3 Wen Ah kip evriting tu miself, mi boan dehn geh week bikaaz Ah mi-di wori aal day lang.
4 Yu neva hapi wid mi ahn dat da-mi laik wahn hevi berdn weh Ah mi haftu bak day ahn nait.
Mi schrent jrai op laik waata eena jrai seezn. (Seela)
5 Fainali Ah kanfes mi sin tu yu;Ah neva haid di rang weh Ah du.
Ah seh tu miself: “Ah wahn kanfes mi sin dehn tu Jehoava.”
Ahn yoo fergiv mi fi mi sin dehn. (Seela)
6 Dis da wai di laayal wan dehn wahn pray tu yuWail dehn stil ga di chaans fi goh tu yu.
Den wen prablemz kohn laik flod waata, ih noh wahn reech dehn.
7 Yoo da wahn plays weh Ah ku goh tu fi haid;Yu wahn protek mi fahn aala mi chroblz.
Yu sorong mi wid peepl weh di rijais bikaaz yu sayv mi. (Seela)
8 “Ah wahn gi yu wizdom ahn teech yu di way yu shuda liv.
Ah wahn wach oava yu ahn gi yu advais.
9 Noh bee laik wahn haas er wahn dongki, weh noh ga andastandin;Bifoa ih ku kohn kloas tu yu,Yu haftu kanchroal it wid wahn braidl er wahn roap bikaaz ih wail.”
10 Wikid peepl goh chroo lata sofarin;Bot Jehoava lov* sorong dehn wan weh chros eena hihn.
11 Unu weh raichos fi rijais ahn bee hapi sayka di tingz weh Jehoava du;Showt ahn rijais, aala unu weh ga wahn pyoar haat.
