Saam 33:1-22
33 Unu weh raichos, showt owt wid jai bikaaz a Jehoava.
Di raichos wan dehn shuda giv ahn prayz, dat da di rait ting fi du.
2 Play di haap ahn gi tanks tu Jehoava;Sing prayz tu* ahn wid wahn inschrument weh ga ten schring.
3 Sing wahn nyoo sang far ahn;Play di inschrument weh ga schring, yes, play it gud ahn showt wid jai.
4 Jehoava werd chroo,Ahn yu ku chros ahn eena evriting weh ih du.
5 Hihn lov raichosnis ahn jostis.
Jehoava ful op di ert wid ih lov.*
6 Wid jos wahn werd fahn owta Jehoava mowt, hihn mi kriyayt hevn,Ahn wid fi hihn bret,* hihn mek evriting eena hevn.
7 Hihn set wahn bongjri fi di see laik wahn dam;Ahn hihn put di schrang wayvz eena di stoarhows dehn.
8 Mek evribadi pahn di ert rispek* Jehoava.
Mek evribadi pahn di ert giv ahn aana bikaaz hihn soh amayzin.
9 Hihn mi oapm ih mowt, ahn wateva ih seh kohn fi egzis;Yes, hihn gi di koman, an evriting stan op schrang eena dehn plays.
10 Jehoava spail di planz weh di nayshan dehn mek;An ih mes op di planz weh di peepl dehn mek.
11 Bot Jehoava disizhanz wahn laas fareva;Ahn fahn jenarayshan tu jenarayshan, fi hihn perpos wahn neva chaynj.
12 Di nayshan weh wership Jehoava az dehn Gaad wahn bee hapi;Hihn chooz dehn fi bee ih speshal peepl.
13 Jehoava luk dong fahn hevn,An ih si eech persn.
14 Fahn di plays wehpaat hihn liv,Hihn luk pahn eech persn weh liv pahn di ert.
15 Hihn shayp evribadi haat jos laik how wahn klay pat geh shayp;Hihn si weh evribadi du.
16 Jos bikaaz wahn king ga wahn big aami, dat noh meenz ih wahn geh sayv.
Jos bikaaz wahn maiti man ga powa, dat noh meenz ih wahn geh sayv.
17 Wahn haas noh wahn mek yu ga vikchri eena waar,Ahn jos bikaaz ih schrang noh meenz yu wahn get weh.
18 Jehoava di wach oava di wan dehn weh ga rispek far* ahn,Dehn wan weh di wayt pahn hihn fi shoa Ih lov* fi dehn,
19 Fi sayv dehn soh dat dehn noh dedAhn fi sayv dehn laif joorin wahn famin.
20 Wee di wayt pahn Jehoava.
Hihn da di wan weh help wi ahn protek wi.
21 Fi wee haat rijais bikaaz a hihn;Wee chros eena fi hihn hoali naym.
22 Wail wi di wayt fi yoo,Wi hoap dat yu aalwayz shoa wi lov,* Oa Jehoava.
Futnoat
^ Er “Mek myoozik fi.”
^ Er “laayal lov.” Si di Glasari, “Laayal lov.”
^ Er “hoali spirit.”
^ Lit., “fyaa.”
^ Er “weh fyaa.”
^ Er “laayal lov.”
^ Er “laayal lov.”
