Saam 37:1-40
Dis da Dayvid sang.
א [Aleph]*
37 Noh geh beks bikaaz a wikid peeplEr geh jelos a peepl weh du weh bad.
2 Kwik-wan dehn wahn jrai op laik graasAhn shribl op laik green graas weh jos sprowt.
ב [Beth]
3 Chros Jehoava ahn du weh gud;Liv pahn di ert, ahn bee faytful eena evriting weh yu du.
4 Mek yu hapinis kohn fahn* Jehoava,Ahn hihn wahn gi yu weh yu haat dizaiya.
ג [Gimel]
5 Put yu laif eena Jehoava han;Pen pahn hihn, an ih wahn help yu.
6 Hihn wahn mek yu raichosnis shain az brait az di son erli da maanin,Ahn yu jostis laik di son joorin mid-day.
ד [Daleth]
7 Ga payshens wail yu wayt pahn JehoavaAhn deh pahn di lukowt fi weh ih wahn du.
Noh geh beks wen di planz weh wahn wikid persn mek ga sokses.
ה [He]
8 Noh geh beks ahn hoal aan tu anga;Yes, noh geh beks ahn du sohnting weh wikid.*
9 Bikaaz wikid peepl wahn geh dischrai,Bot di ert wahn bilangz tu dehn wan weh hoap eena Jehoava.
ו [Waw]
10 Jos wahn lee bit langa ahn wikid peepl noh wahn egzis nohmoh;Yu wahn luk wehpaat dehn yoostu deh,Ahn yu wahn kyaahn fain dehn no way.
11 Bot di ert wahn bilangz tu dehn wan weh hombl,Ahn dehn wahn ga lata jai bikaaz di ert wahn ful op a pees.
ז [Zayin]
12 Wahn wikid man mek planz gens di raichos;Ih geh beks bad wen ih si ahn.*
13 Bot Jehoava wahn laaf aata ahn,Bikaaz Hihn noa dat di day soon kohn wen di wikid wahn geh dischrai.
ח [Heth]
14 Dehn wan weh wikid tek owt dehn soad ahn ga dehn boa an aro* rediFi kil dehn wan weh poa ahn weh di sofa,Fi slaata dehn wan weh du weh rait.
15 Bot dehn soad wahn stab dehn oan haat;Dehn boa wahn geh brok op.
ט [Teth]
16 Di lee bit a tingz weh di raichos persn gatBeta dan di lata tingz weh lata wikid peepl gat.
17 Bikaaz Jehoava wahn tek weh di powa fahn dehn wan weh wikid,Bot ih wahn sopoat dehn wan weh raichos.
י [Yod]
18 Jehoava noatis weh di raichos wan dehn goh chroo,Ahn dehn inheritans wahn laas fareva.
19 Wen chrobl kohn dehn noh wahn luk shaym;Dehn wahn ga lat fi eet joorin wahn famin.
כ [Kaph]
20 Bot di wikid wahn geh dischrai;Jehoava enimi dehn wahn disapyaa laik di graas fahn wahn byootiful paascha weh eezi fi jrai op;Dehn wahn disapyaa laik smoak.
ל [Lamed]
21 Di wikid persn laik baro ahn noh pay bak,Bot di raichos persn jenaros ahn laik gi tu adaz.
22 Di ert wahn bilangz tu dehn wan weh Hihn bles,Bot dehn wan weh hihn kers* wahn geh dischrai.
מ [Mem]
23 Wen Jehoava hapi wid di way wahn persn di liv,Ih wahn shoa ahn di way ih fi goh.
24 Eevn if ih stombl, ih noh wahn jrap dong flat pahn di grong,Bikaaz Jehoava di hoal ih han.
נ [Nun]
25 Ah yoostu bee yong ahn now Ah oal,Bot Ah neva si Gaad abandan enibadi weh raichos,An Ah neva yet si non a ih pikni di bayg fi bred.*
26 Ih hapi fi len tu adaz,Ahn Gaad wahn bles ih pikni dehn.
ס [Samekh]
27 Stap du weh bad ahn du weh gud,Ahn yu wahn liv pahn di ert fareva,
28 Bikaaz Jehoava lov jostis,Ahn hihn noh wahn abandan dehn wan weh laayal tu ahn.
ע [Ayin]
Hihn wahn aalwayz protek dehn;Bot di disendant dehn a di wikid wahn geh dischrai.
29 Di ert wahn bilangz tu dehn wan weh raichos,Ahn dehn wahn liv pan it fareva.
פ [Pe]
30 Di tingz weh wahn raichos persn seh ful op a wizdom,*An ih taak bowt jostis.
31 Di laa a fi hihn Gaad deh eena ih haat;Ahn notn wahn mek ih stombl.
צ [Tsade]
32 Di wikid wan dehn kip wahn aiy pahn dehn wan weh raichos,Bikaaz dehn waahn kil dehn.
33 Bot Jehoava noh wahn han dehn oava tu wikid peepl,Ahn wen hihn joj raichos peepl ih noh wahn fain dehn gilti.
ק [Qoph]
34 Hoap eena Jehoava ahn liv how hihn waahn yu liv,Ahn hihn wahn aana yu ahn mek yu liv pahn di ert.
Yu wahn si wen hihn dischrai aala di wikid wan dehn.
ר [Resh]
35 Ah si wahn kruwil, eevl man di praspaLaik wahn chree weh priti ahn weh deh eena di kaina soil weh ih bilangz eena.
36 Bot sodn-wan ih disapyaa;Ah saach evriway far ahn, an Ah kudn fain ahn.
ש [Sin]
37 Noatis dehn wan weh raichos,Ahn pay atenshan tu dehn wan weh di du weh rait,*Bikaaz dehn wahn ga wahn peesful fyoocha.
38 Bot aal sinaz wahn geh dischrai;Di wikid noh wahn ga no fyoocha.
ת [Taw]
39 Di raichos geh dehn salvayshan fahn Jehoava;Dehn goh tu hihn fi tek shelta wen dehn di sofa.
40 Jehoava wahn help dehn ahn reskyu dehn.
Hihn wahn reskyu dehn fahn di wikid ahn sayv dehn,Bikaaz dehn kohn tu hihn fi shelta.
Futnoat
^ Dis da di fers leta a di Heebroo alfabet. Si di Glasari, “Akrostik stail.”
^ Er “Fain grayt jai eena.”
^ Dis ku aalso bee “Noh geh beks bikaaz yu wahn en op di hert yuself an adaz.”
^ Lit., “grain ih teet aata ahn.”
^ Er “schring.”
^ Si di Glasari, “Kers.”
^ Er “food.”
^ Er “Di raichos wan wispa waiz werdz.”
^ Er “weh stay faytful.”
