Saam 4:1-8
Wahn noat fi di dairekta: Perfaam dis sang wid di inschrument dehn weh ga schring. Dis da Dayvid sang.
4 Oa mi Gaad weh raichos, wen Ah kaal pahn yu, ansa mi.
Gi mi wahn way owt wen Ah di goh chroo haad taimz.
Ga mersi pahn mi ahn hyaa mi pryaa.
2 Unu peepl, how lang unu wahn kantinyu fi shaym mi insteda gi mi aana?
How lang unu wahn kantinyu fi lov tingz weh wertles ahn saach fi loan lai? (Seela)
3 Ah waahn unu noa dat Jehoava wahn chreet dehn wan weh laayal tu hihn eena wahn speshal way;*Jehoava wahn hyaa mi wen Ah kaal owt tu ahn.
4 Wen yu beks, noh sin.
Stay kwaiyet; seh weh yu ga fi seh eena yu haat, pahn yu bed. (Seela)
5 Aafa op unu sakrifais dehn wid wahn gud haat,Ahn chros eena Jehoava.
6 Wahn lata peepl di seh: “Da hoo wahn mek wi si beta taimz?”
Oa Jehoava, mek di lait fahn yu fays shain pahn wi.
7 Yu ful op mi haat wid soh moch jai,Moa jai dan dehn wan weh haavis lata grayn ahn dehn wan weh ga lata nyoo wain.
8 Ah wahn lidong ahn sleep eena pees,Bikaaz yoo da di onli wan weh mek Ah feel sayf, Oa Jehoava.
Futnoat
^ Er “set apaat fi ihself dehn wan weh laayal tu hihn.”
