Saam 43:1-5
43 Oa Gaad, joj mi,Difen mi leegal kays gens wahn nayshan weh noh laayal.
Reskyu mi fahn peepl weh tel lai ahn weh noh raichos.
2 Bikaaz yoo da mi Gaad ahn mi sayf plays.
Wai yu dash mi wan said?
Wai Ah haftu waak bowt sad bikaaz mi enimi dehn chreet mi kruwil?
3 Sen yu lait ahn yu chrootFi mek dehn leed mi;Mek dehn gaid mi tu yu hoali mongtin ahn tu yu grayt tabernakl.*
4 Den Ah wahn kohn da Gaad alta,Tu Gaad, weh da mi graytis jai.
An Ah wahn play di haap ahn sing prayz tu yoo, Oa mi Gaad.
5 Wai Ah feel soh sad?
Wai Ah* di wori soh moch?
Wayt fi Gaad,Kaaz Ah wahn prayz ahn agen az mi Grayt Sayvya ahn mi Gaad.