Saam 47:1-9
Dis da fi di dairekta. Dis da Koara disendant dehn sang.
47 Aala unu peepl, unu klap unu han.
Selibrayt di vikchri ahn showt wid jai wail unu prayz Gaad.
2 Bikaaz di Moas Hai Gaad, Jehoava, jos soh amayzin;Hihn da di grayt King weh rool oava di hoal ert.
3 Hihn put di peepl dehn anda fi wee kanchroal;Ih put di nayshan dehn anda fi wee fut.
4 Hihn chooz wi inheritans fi wi.
Di inheritans bilangz tu Jaykob, di wan weh hihn lov, ahn Jaykob prowd a it.
5 Gaad stan op wail peepl di showt wid jai;Jehoava stan op wail peepl di bloa dehn haan.*
6 Sing prayz tu* Gaad, sing prayz tu ahn.
Sing prayz tu wi King, sing prayz tu ahn.
7 Kaaz Gaad da di King weh rool oava di hoal ert;Sing prayz tu ahn, ahn shoa wizdom.
8 Gaad staat tu rool az king oava di nayshan dehn.
Gaad sidong pan ih hoali chroan.
9 Di leedaz a di nayshan dehn jain tugedaWid di peepl weh wership Aybraham Gaad,Bikaaz Gaad ga atariti oava di roola* dehn pahn di ert.
Hihn da di Moas Hai.
