Saam 50:1-23
Dis da Aysaf sang.
50 Dis da weh Jehoava, di Gaad oava aal di ada gaad dehn,* seh;Hihn kaal evribadi pahn di ertFahn di ees tu di wes.
2 Gaad sen lait fahn owta Zaiyan, di moas byootiful siti.
3 Wi Gaad wahn kohn an ih wahn tek akshan.
Wahn faiya weh di blayz deh fronta ahn,Ahn wahn big staam deh aal rong ahn.
4 Hihn kaal owt tu hevn an ert fi bee wahn witnis,Soh hihn ku joj fi hihn peepl.
Dis da weh hihn seh:
5 “Aala mi laayal wan dehn, unu kohn tu mi,Dehn wan weh di mek wahn kovenant* wid mi chroo wahn sakrifais.”
6 Hevn anonks dat Hihn raichos,Bikaaz hihn da di Joj. (Seela)
7 “Lisn op, mi peepl, an Ah wahn tel unu weh Ah ga fi seh;Ai wahn proov unu rang, Oa Izrel.
Ai da Gaad, Ai da unu Gaad.
8 Ah noh di disiplin unu bikaaz a unu sakrifais dehn,Ner bikaaz a unu bon aafrin* dehn weh unu kip di aafa op fronta mi.
9 Ah noh need fi tek wahn bul fahn unu hows,Ner no goat* fahn owta unu pen.
10 Evri wail animal eena di faris bilangz tu mee,Eevn di animal dehn weh liv pahn towznz a mongtin dehn bilangz tu mee.
11 Ah noa evri berd weh di liv eena di mongtin;Ahn yu kyaahn eevn konk aala di animal dehn weh di liv eena di feel. Bot aala dehn bilangz tu mee.
12 If Ai mi hongri, Ah neva mi wahn tel yu,Bikaaz di ert an evriting eena it da fi mee.
13 Yu tink Ai need fi eet di flesh fahn wahn bulEr jrink di blod fahn wahn goat?
14 Aafa op tanks az yu sakrifais tu Gaad,Ahn pay yu vow tu di Moas Hai;
15 Kaal pahn mee wen yu di goh chroo chroblz.
Ai wahn reskyu yu, ahn yu wahn gi mee gloari.”
16 Bot Gaad wahn tel di wikid wan dehn:
“Da hoo gi unu di rait fi taak bowt mai laa dehnEr fi taak bowt mai kovenant?
17 Bikaaz yu hayt disiplin,Ahn yu kip di ignoar evriting weh Ah seh.*
18 Wen yu si wahn teef, yu hapi wid ahn,*Ahn yu laik spen taim wid peepl weh komit adolchri.*
19 Yu yooz yu mowt fi taak loan badnis,Ahn yu stay tel lai.
20 Yu sidong ahn taak bad bowt yu oan breda;Yu mek evribadi noa di mistayk dehn weh yu oan breda mek.*
21 Wen yu mi du dehndeh tingz, Ah neva seh notn,Soh unu mi feel laik Ai tink di saym way unu tink.
Bot now Ah wahn disiplin yu,An Ah wahn ekspoaz di rang weh yu du.
22 Fi aala dehn wan weh ferget bowt Gaad, unu pleez tink bowt dis.
If nat, Ah wahn tayr unu tu peesiz, ahn nobadi wahn sayv unu.
23 Di persn weh aafa op tanks az wahn sakrifais di gi mee gloari,An az fi di persn weh aalwayz du weh rait,Hihn wahn geh fi si how Ah sayv ahn.”
Futnoat
^ Er “Di Maiti Wan, Jehoava Gaad.”
^ Si di Glasari, “Kovenant.”
^ Si di Glasari, “Bon aafrin.”
^ Lit., “mayl goat.”
^ Lit., “chroa mi werdz bihain yu.”
^ Dis ku aalso bee “yu jain ahn.”
^ Si di Glasari, “Adolchri.”
^ Er “Yu slanda yu oan breda.”
