Saam 52:1-9
Dis da fi di dairekta. Maskil.* Dayvid rait dis sang afta Doaweg, hoo da fahn Eedom, mi tel Saal dat Dayvid mi gaahn da Ahimelek hows.
52 Oa maiti wan, da wai yu boas bowt di wikid tingz weh yu du?
Yoo noh noa dat Gaad lov* laas aal day lang?
2 Yu mek planz fi du wikid tingz ahn yu laik tel loan lai;Yu tong shaap laik wahn blayd.
3 Yu lov wikidnis moa dan how yu lov weh gud,Yu lov tel lai moa dan tel di chroot. (Seela)
4 Yoo wid yu laiyad mowt,Yu onli lov seh tingz weh ku hert adaz!
5 Dat da wai wen Gaad bring yu dong, yu wahn neva get op agen;Hihn wahn grab yu ahn jreg yu weh fahn yu tent;Ih wahn root yu op fahn aafa dis ert. (Seela)
6 Di raichos wan dehn wahn impres wen dehn si weh di hapm,Ahn dehn wahn laaf aata ahn.
7 Dehn wahn seh: “Luk pahn dis man! Hihn neva gaahn tu Gaad fi shelta.
Insted, hihn mi put ih chros eena aala ih richiz,Ahn hihn mi tink ih wikid planz mi wahn help ahn.”
8 Bot Ai wahn bee laik wahn priti aliv chree eena Gaad hows;Ah wahn chros eena Gaad lov,* fareva an eva.
9 Ah wahn prayz yu fareva bikaaz a di tingz weh yu du;Ah wahn hoap eena yu naymFronta yu laayal wan dehn, bikaaz yu naym gud.
Futnoat
^ Si di Glasari, “Maskil.”
^ Er “laayal lov.” Si di Glasari, “Laayal lov.”
^ Er “laayal lov.”
